News Flash

पोलिसांच्या तावडीतून पळ काढलेला कैदी चार तासात जेरबंद

पाठलाग करणाऱ्या पोलिसांवर दगडफेकही केली; जन्मठेपेची झालेली आहे शिक्षा

जन्मठेपेची शिक्षा भोगत असलेल्या एका कैद्याने पोलिसांची नजर चुकवून पळ काढला होता. मात्र, कोल्हापूर स्थानिक गुन्हा अन्वेषण पोलिसांनी अवघ्या चार तासात त्याला पुन्हा पकडले. विठ्ठल तुकाराम आटूगडे असे या कैद्याचे नाव आहे.

विठ्ठल हा मूळचा शिराळा तालुक्यातील आटूगडेवाडी येथील रहिवासी आहे. खून, बलात्कार प्रकरणी तो येथील कळंबा मध्यवर्ती कारागृहात शिक्षा भोगत आहे. काल त्याला आयटीआय संभाजीनगर येथे कामासाठी  तुरुंगातील पोलीस घेऊन जात होते. तेव्हा त्यांची नजर चुकवून त्याने पलायन केले होते.

या घटनेची दखल घेत पोलीस अधीक्षक डॉ. अभिनव देशमुख यांनी तपासाचे आदेश दिल्यावर स्थानिक गुन्हा अन्वेषण शाखेचे पोलीस निरीक्षक तानाजी सावंत यांनी शोध पथक पाठवले. विठ्ठल हा शेंडा पार्क दिशेने गेल्याची त्यांना माहिती मिळाली होती. त्यानुसार परिसरात पोलीस शिपाई वैभव दद्दीकर व जितेंद्र भोसले यांनी झाडी झुडुपात तपास सुरू केला. विठ्ठल यांनी अंगावरील कैद्याचा शर्ट काढून टाकला होता. दरम्यान, पोलिसांना पाहताच तो पळून जाऊ लागला, शिवाय पाठलाग करणाऱ्या पोलिसांवर दगडफेकही केली. तरीही त्याला न जुमानता यो दोन पोलिसांनी त्याला पकडले. या कामगिरीबद्दल पोलीस अधीक्षक यांनी दद्दीकर व भोसले यांचे पुष्पगुच्छ देऊन अभिनंदन केले.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 11, 2020 9:19 pm

Web Title: a prisoner who escaped from the clutches of the police was arrested within four hours msr 87
Next Stories
1 वाशिम जिल्ह्यात आणखी पाच रुग्ण
2 अकोल्यात करोना रुग्णांच्या संख्येने ओलांडला नऊशेचा टप्पा
3 बुलडाणा जिल्ह्यातील करोना रुग्णांची संख्या १०० च्याही पुढे
Just Now!
X