News Flash

घरफोडय़ा नागोठणे पोलिसांच्या ताब्यात

हिलम याला ताब्यात घेतल्यानंतर संबंधित चोरटा विजय नागू िहदोळा हा हिलम याचा मित्र असल्याचे उघड झाले आहे.

डिसेंबर महिन्यात २२ तारखेला मध्यरात्री येथील शिवाजी चौकातील चपलेचे दुकान फोडून त्यातील मालसामानासह रोख रक्कम लंपास करण्यात आली होती. पोलिसांच्या शोधानंतर या चोरटय़ाला पकडण्यात नागोठणे पोलिसांना यश आले असून अंकुश एकनाथ हिलम असे या चोरटय़ाचे नाव आहे. हिलम मावळ, पुणे येथे राहणारा असून त्याला त्या ठिकाणीच ताब्यात घेतले असल्याची माहिती पोलीस निरीक्षक बाळासाहेब दरेकर यांनी दिली. याच घटनेनंतर तिसऱ्या दिवशी २४ तारखेला विभागातील वरवठणे येथील एका महिलेच्या घरात जबरीने घुसून तिच्या हातावर कोयत्याने वार करीत तिच्या जवळील अकरा हजार रोख व सोन्याचे गंथन पळवून नेल्याची घटना घडली होती.

हिलम याला ताब्यात घेतल्यानंतर संबंधित चोरटा विजय नागू िहदोळा हा हिलम याचा मित्र असल्याचे उघड झाले आहे. हिलमला रोहे न्यायालयात हजर केल्यानंतर याला सहा दिवस पोलीस कोठडीत ठेवण्याचा आदेश देण्यात आला असून उपनिरीक्षक संदीप पाटील पुढील तपास करीत आहेत. दरम्यान, िहदोळा हा सराईत गुन्हेगार असल्याचे उघडकीस आले असून पुणे, खोपोली आणि कर्जत येथे त्याने गुन्हे केले असल्याचे समजते. िहदोळा सध्या फरार असला, तरी त्याला लवकरच पकडण्याची कामगिरी आमचे पोलीस पथक करेल, असा विश्वास पो. नि. दरेकर यांनी व्यक्त केला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 24, 2016 3:17 am

Web Title: house robbery people are arrested by nagothane police in maharashtra
टॅग : Maharashtra
Next Stories
1 राज्यातील कारागृहांमध्ये २५ टक्के अतिरिक्त कैदी
2 सात वन्यप्रेमींच्या ताडोबा व्याघ्र प्रकल्पातील मुक्तसंचाराला स्थगिती
3 जलसिंचन घोटाळाप्रकरणी एसीबीची कारवाई, सात जणांविरोधात गुन्हे दाखल
Just Now!
X