कोल्हापूर शहरातील एका माजी सैनिकाने शुक्रवारी स्वतःच्या पिस्तुलातून डोक्यात गोळी मारुन घेत आत्महत्या केली. दिनकर पांडूरंग मगदूम ( वय ४५ ) असे त्यांचे नाव आहे. कौटुंबिक करणातून ही घटना घडली असल्याची माहिती समोर येत आहे.
मगदूम हे काही महिन्यांपूर्वी सैन्यातून सेवानिवृत्त झाले आहे. त्यांची पत्नी व मुलं काही दिवसांपूर्वी पाचगाव ता. करवीर येथील भावाकडे राहण्यास गेले होते. त्यामुळे ते जिवबा नाना पार्क भागात घरी एकटेच राहत होते. दरम्यान, आज त्यांनी स्व:ताच्या पिस्तुलातून डोक्यात गोळी मारुन घेत आत्महत्या केली.
घटनेची माहिती मिळाल्यानंतर करवीरचे पोलीस उपाधीक्षक डॉ. प्रशांत अमृतकर, करवीर पोलीस ठाण्याचे पोलीस निरीक्षक सुनील पाटील घटनास्थळी दाखल झाले होते.
