28 September 2020

News Flash

चंद्रपुरात उद्यापासून रोबोट करणार रुग्णसेवा; करोनाविरुद्धच्या लढ्यात नवा प्रयोग

मेड इन चंद्रपूर, मेडी-रोवर रोबोट

चंद्रपूर : आधुनिक मेडी-रोवर रोबोट उद्यापासून जिल्हा सामान्य रुग्णालयात रुग्णांच्या सेवेत दाखल होणार आहे.

करोना विरुद्धच्या लढ्यात डॉक्टरांच्या मदतीसाठी जिल्ह्यात टाटा टेक्नॉलॉजी लिमिटेडने बनवलेला आधुनिक मेडी-रोवर रोबोट उद्यापासून जिल्हा सामान्य रुग्णालयात रुग्णांच्या सेवेत दाखल होणार आहे. आज जिल्हाधिकारी डॉ. कुणाल खेमनार यांनी चंद्रपूर जिल्ह्यात तयार झालेला हा रोबोट जिल्हा आरोग्य यंत्रणेला सुपूर्द केला.

यावेळी जिल्हाधिकारी डॉ. कुणाल खेमनार यांनी सांगितले की, करोना रुग्णांची सुश्रुषा करण्यासाठी हा रोबोट मदत करणार असून भविष्यात यामध्ये काही सुधारणा करून नमुने तपासणीसाठी मदत करता येणार आहे.

करोना विषाणूचा प्रसार झपाट्याने होत आहे. चंद्रपूर जिल्ह्यामध्ये एकच करोना पॉझिटिव्ह रुग्ण आढळलेला आहे. यासाठी जिल्हा प्रशासनाकडून विशेष खबरदारी घेण्यात येत आहे. यातच आता मेडी-रोवर नामक रोबो कोरोना रुग्णांची‌ सुश्रुषा करण्यासाठी मदत करणार आहे. मेडी-रोवर रोबोटचा प्रमुख उद्देश रुग्ण आणि मेडिकल यांचा कमीत कमी संपर्क यावा हा आहे.

टाटा टेक्नॉलॉजीचे प्रोजेक्ट मॅनेजर मनीष कुमार, यांत्रिकी अभियंता जीवन काळे, दानिश पठाण व त्यांच्या चमूने मेडी-रोवर हा रोबोट चंद्रपूर येथील शासकीय अभियांत्रिकी महाविद्यालयातील सीआयआयटी या प्रयोग शाळेत तयार केला आहे. यासाठी विशेष मार्गदर्शन बांबू संशोधन व प्रशिक्षण केंद्राचे संचालक राहुल पाटील यांनी दिले होते.

मेडी-रोवरची वैशिष्ट्ये

हा रोबोट वायरलेस असून बॅटरी ऑपरेटेड आहे. याची वाहक क्षमता ३० किलो आहे. या रोबोटला १० मीटरपर्यंत ऑपरेट करता येऊ शकतो. तसेच रुग्णांना खाण्यापिण्याचे सामान, औषधं, उपयुक्त सोयीसुविधा पुरवण्यासाठी हा रोबोट मदत करणार आहे. हा रोबोट सहज हाताळता येणारा आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 8, 2020 8:58 pm

Web Title: robot patient service starts from tomorrow in chandrapur new experiment in the fight against corona virus aau 85
टॅग Coronavirus
Next Stories
1 वर्धा : करोनाच्या संकट काळात माजी नगराध्यक्षांची मोलाची मदत
2 अकोल्यात एकाच दिवसात ४२ जण करोना पॉझिटिव्ह
3 करोनाचं संकट गंभीर असलं तरीही सरकार खंबीर : मुख्यमंत्री उद्धव ठाकरे
Just Now!
X