06 July 2020

News Flash

मराठवाडय़ात पारा बेचाळिशीपार

नांदेड, औरंगाबाद, उस्मानाबाद, बीड, हिंगोली, लातूरसह मराठवाडय़ात सर्वत्र शनिवारी पारा ४१-४२च्या पुढे गेला. नांदेडला यंदाचे ४४.५ अंश सेल्सिअस, परभणी ४३.५ तसेच उस्मानाबादलाही यंदाच्या सर्वाधिक ४२.०३

| May 25, 2014 01:20 am

नांदेड, औरंगाबाद, उस्मानाबाद, बीड, हिंगोली, लातूरसह मराठवाडय़ात सर्वत्र शनिवारी पारा ४१-४२च्या पुढे गेला. नांदेडला यंदाचे ४४.५ अंश सेल्सिअस, परभणी ४३.५ तसेच उस्मानाबादलाही यंदाच्या सर्वाधिक ४२.०३ तापमानाची नोंद झाली. औरंगाबाद ४०.९, बीड ४१, हिंगोली ४२ या प्रमाणे शनिवारचे तापमान नोंदविले गेले. मे महिन्याचा शेवटचा आठवडा सुरू होत असताना भाजून काढणाऱ्या उन्हामुळे संपूर्ण मराठवाडय़ात लोक चांगलेच हैराण झाले आहेत.
सकाळी नऊपासूनच उन्हाच्या असह्य़ झळा जाणवत असल्याने रस्त्यावर शुकशुकाट असतो. बाजारपेठाही संध्याकाळी सातनंतर गजबजत आहेत. शासकीय, निमशासकीय कार्यालयांतील गर्दीही तुरळक दिसत आहे. वाढत्या तापमानामुळे नारळ पाणी, ज्यूस, िलबू शरबत तसेच शीतपेयांच्या विक्रीत लक्षणीय वाढ झाली आहे. उन्हाचा फटका टाळण्यासाठी नागरिकही घराबाहेर पडण्यास तयार नाहीत. नागरिकांनी पुरेशी काळजी घ्यावी. शक्यतो दुपारच्या प्रहरी घराबाहेर पडू नये, असे आवाहन प्रसिद्ध वैद्यकीय अधिकारी डॉ. साहेबराव मोरे यांनी केले. गरज नसल्यास घराबाहेर पडू नये किंवा बाहेर पडल्यास िलबू पाणी, नारळ पाणी व इलेक्ट्राल पावडरचा वापर करावा, असेही त्यांनी म्हटले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 25, 2014 1:20 am

Web Title: temperature overtake 42
Next Stories
1 महिन्यातून चार वेळा पाणी, पट्टीत साडेतीन पटींची वाढ!
2 जालना विधानसभा मतदारसंघ काँग्रेसचा बालेकिल्ला हा भ्रमाचा भोपळा!
3 फिरायला गेलेल्या ४ महिलांना मालमोटारीने चिरडले, दोघी ठार
Just Now!
X