अमृता फडणवीस यांचं नवं ट्वीट चर्चेत; योगा करतानाचा फोटो शेअर करत म्हणाल्या, “जगाची चुकीची बाजू…”!

काय आहे ट्वीटमध्ये?

अमृता फडणवीस यांनी आपल्या ट्वीटमध्ये एक फोटो शेअर केला आहे. यामध्ये एक योगासन करताना त्या दिसत आहेत. हिरवळीवर योगासन करतानाचा त्याचा हा फोटो व्हायरल होऊ लागला आहे. यासोबत त्यांनी कॅप्शनमध्ये लिहिलेली ओळ देखील चर्चेत आहे. “जगाची चुकीची बाजू वर आहे. ते उलट्याबाजूने फिरवण्याची गरज आहे. असं केल्यास जगाची योग्य बाजू वर येईल”, अशा आशयाचं इंग्रजी भाषेतून ट्वीट त्यांनी केलं आहे.

अमृता फडणवीस यांच्या ट्वीटवर काही नेटिझन्सनी त्यांचे योगासन करतानाचे फोटो किंवा व्हिडीओ ट्वीट केले आहेत.

तर काहींनी आपण असं आसंन करूच शकत नाही, असं देखील म्हटलं आहे.

नुकतंच अमृता फडणवीस यांचं एक नवीन गाणं रिलीज झालं होतं. गणपतीच्या मुहूर्तावर त्यांनी हे गाणं रिलीज केलं होतं. एकूण ४ मिनिटे ४९ सेकंदांच्या या गाण्यामध्ये त्यांनी एका कुटुंबवत्सल स्त्रीची भूमिका साकारली आहे. ‘गणेश वंदना’ असं या अल्बमचं नाव आहे.

याआधीही अमृता फडणवीस यांनी अनेक गाणी रेकॉर्ड केली असून ती सोशल मीडियावर प्रचंड व्हायरल झाली आहेत.