मुंबई भाजपाचे अध्यक्ष आशिष शेलार हे कवितेच्या माध्यमातून शिवसेना आणि काँग्रेसवर नेहमी टीका करत असतात. काँग्रेसचे नेते संजय निरुपम यांनी काल काँग्रेसचा राजीनामा देत स्वपक्षावर गंभीर आरोप केले. काँग्रेस आणि शिवसेनेची युती झाल्यापासून संजय निरुपम यांनी कधी दबक्या आवाजात तर कधी उघडपणे शिवसेनेवर टीका केलेली आहे. लोकसभा निवडणुकीच्या निमित्ताने उत्तर पश्चिम मतदारसंघात उमेदवारी मिळण्यावरून संजय निरुपम आणि संजय राऊत यांचा कलगीतुरा रंगला होता. अखेर संजय निरुपम यांनी काँग्रेसला सोडचिठ्ठी देऊन काँग्रेस आणि शिवसेनेवर तोंडसुख घेतले. या कलगीतुऱ्यावरच आशिष शेलार यांनी विंडबनात्मक कविता केली असून “या दोघांपेक्षाही महाराष्ट्राची हास्यजत्रेमधील आमचा प्रभाकर मोरे बरा…”, असे सुचवले आहे.

आशिष शेलार यांनी काय म्हटले?

आशिष शेलार यांनी एक्सवर पोस्ट केलेल्या कवितेमध्ये दोन्ही संजय मध्यरात्र झाल्यानंतर एकमेकांना भेटले, या वाक्याने कवितेची सुरुवात करतात. त्यानंतर दोन्ही संजय एकमेकांविरोधात कसे आरोप-प्रत्यारोप करत असतील, यावर कविता लिहिली गेली आहे. तसेच शेवटी यांच्या हास्यजत्रेपेक्षा केव्हाही आमचा प्रभाकर मोरे बरा… असा टोला आशिष शेलार यांनी लगावला आहे.

Hasan Mushrif pune car crash
Pune Accident : आरोपीच्या रक्ताच्या नमुन्यात फेरफार, डॉक्टरांच्या अटकेनंतर काँग्रेसचा हसन मुश्रीफांवर आरोप; म्हणाले, “अपघाताच्या रात्री…”
BJP Party President JP Nadda statement regarding National Service Union
…तर मग संघ आता काय करणार?
Allegations, recovery,
पालकमंत्र्यांवर १०० कोटींच्या वसुलीचे आरोप, आमदार हितेंद्र ठाकूर यांच्यावर ५ कोटींचा अब्रुनुकसानीचा दावा
BJP silence on Mayawati sparks discussion
मायावतींवर भाजपाचे मौन, भाच्याला अचानक पदावरून दूर केल्यानंतर ‘बी टीम’च्या चर्चेला उधाण
Uddhav Thackeray On Pm Narendra Modi
उद्धव ठाकरे यांची नरेंद्र मोदींवर खोचक टीका; म्हणाले, “थापांचं इंजिन…”
Congress, Bhushan Patil, campaign,
काँग्रेसचे भूषण पाटील यांच्या दिमतीला आघाडीच्या सर्वपक्षीय नेत्यांची फौज
uddhav thackeray sharad pawar (2)
शरद पवारांच्या प्रादेशिक पक्ष काँग्रेसमध्ये विलीनीकरणाच्या वक्तव्यावर ठाकरे गटाची प्रतिक्रिया; म्हणाले, “अनेक नेते…”
uddhav devendra Fadnavis
“मी नागपुरी आहे, त्यामुळे मला त्यांच्यापेक्षा…”, देवेंद्र फडणवीसांचं उद्धव ठाकरेंच्या ‘त्या’ टीकेला प्रत्युत्तर

आशिष शेलार यांनी शेअर केलेली पूर्ण कविता :

…यांच्यापेक्षा बरा आमचा प्रभाकर मोरे!!

मध्यरात्र झाल्यानंतर
शहरातील दोन संजय एकमेकांना भेटले…!

विश्वविख्यात हातवारे करीत, केसांचा कोंबडा उडवीत,
मध्येच “मातोश्री”कडे पाठ
आणि “सिल्वर ओक”च्या दिशेने कटाक्ष टाकीत.. नजर शुन्यात टाकून “बाईट”चा हावभाव करु लागले…

दुसरे संजय, काँग्रेसच्या पराभवाची कारणे बसले होते वाचतं!
ते बसले होते ती खुर्ची पण होती त्यांना टोचत!!

तू रोज बोलतोस, म्हणून अख्खा
पक्षच गेला सोडून
मी एकदाच बोललो आणि पक्षाला दिला राजिनामा फाडून !

विश्वविख्यात म्हणाले…
मला कशाला तुझ्या सोबत ओढतोस ?
फुटक्या आघाडीला आणखी कशाला फोडतोस?

आम्ही म्हणजे आम्ही म्हणजे आम्ही म्हणजे आम्हीच..
काँग्रेस महाराष्ट्रात आमच्या समोर कमीच!

त्यावर रामभक्त संजय खवळले आणि म्हणाले..

उबाठा गटानेच काँग्रेसचे वाजवले तीनतेरा
तुम्ही म्हणजे जिथे जाल तिथे सैतानाचा फेरा!

निकाल तुम्हीच लावणार उरल्या सुरल्या काँग्रेसचा
इंतजाम करुन ठेवा, युवराजांच्या परदेशी तिकिटाचा

कशाला आघाडीचं नाटक करताय?
पायात पाय घालून एकमेकांना पाडताय?

माझ्या राजीनाम्यासाठी दबाव तुमचा ?
तुमच्या “खिचडीत” मीच फिरवतो आता चमचा !

जो ना रामाचा तो काय कामाचा?

एवढं ऐकल्यावर विश्वविख्यात चिडले..
“सामना” रंगतदार होणार म्हणून वेटर सगळे टेबला भोवती जमले!

गर्दी बघून दोघे ही सावरले
बोलती बंद अन् संवाद सगळे थांबले

दोघांचे ही क्षणात चेहरे कसे कोरे
यांच्या “हास्यजत्रे” पेक्षा केव्हाही
बरा आमचा प्रभाकर मोरे!