scorecardresearch

Premium

“गद्दारी करून कमी वेळेत अमाप पैसा अन् सत्तेचे बळ मिळालेल्यांना…”, भाजपा आमदाराची श्रीकांत शिंदेंवर टीका

कल्याण लोकसभा मतदारसंघावरून भाजपा आणि शिंदे गटातील वाद वाढण्याची शक्यता आहे.

bjp shrikant shinde
भाजपा आमदार गणपत गायकवाड यांनी श्रीकांत शिंदे यांना लक्ष्य केलं आहे. ( फोटो सौजन्य – फेसबुक, इंडियन एक्स्प्रेस )

कल्याण लोकसभा मतदारसंघावरून भाजपा आणि शिवसेना शिंदे गटात सुरू असलेला वाद थांबण्याचं नाव घेतं नाही. आमदार गणपत गायकवाड यांनी कल्याण लोकसभा मतदारसंघातून भाजपाचा उमेदवार निवडून येईल, असं विधान केलं होतं. यावर खासदार श्रीकांत शिंदे यांनी ‘मनोरंजनाच्या दृष्टीनं या वक्तव्यांकडे पाहिलं पाहिजे’, असं म्हणतं गणपत गायकवाड यांना लक्ष्य केलं होतं. आता गणपत गायकवाडांनी श्रीकांत शिंदेंवर ‘गद्दार’ म्हणत अप्रत्यक्षपणे घणाघाती टीका केली आहे.

वादाला सुरूवात कुठून झाली?

राजस्थान, छत्तीसगड, मध्य प्रदेशातील विजयानंतर गणपत गायकवाडांनी कार्यकर्त्यांबरोबर जल्लोष केलं. त्यानंतर बोलताना गणपत गायकवाड म्हणाले, “कल्याण-भिवंडी मतदारसंघात लोकसभेला जे भाजपाचे उमेदवार उभे राहतील, ते निवडून येतील.”

Congress Aggressive Against Agnipath scheme  Promise to cancel if come to power
‘अग्निपथ’विरोधात काँग्रेस आक्रमक; सत्तेवर आल्यास रद्द करण्याचे आश्वासन, खरगे यांचे राष्ट्रपतींना पत्र
raj thakre
लोकसभा निवडणुसाठी सज्ज आहात का? राज ठाकरे यांचा भिवंडी, कल्याणमधील पदाधिकाऱ्यांना प्रश्न
aditya thackeray marathi news, aditya thackeray eknath shinde marathi news
आदित्य ठाकरे उद्या मुख्यमंत्र्यांच्या ठाण्यात, शाखांना भेटी देण्याबरोबरच पदाधिकाऱ्यांशी साधणार संवाद
Jayant Chaudhari
माजी पंतप्रधान चौधरी चरण सिंह यांना भारतरत्न मिळताच आरएलडीची मोठी घोषणा, इंडिया आघाडीला धक्का?

हेही वाचा : डोंबिवलीत मंत्री रवींद्र चव्हाण आणि खासदार श्रीकांत शिंदे यांचे मनोमिलन, दोन्ही नेत्यांचे कायर्कर्ते मात्र अस्वस्थ

यावर विधानावर बोलताना श्रीकांत शिंदेंनी म्हटलं, “कोण कुठून लढणार हे ठरविण्यासाठी वरिष्ठ सक्षम आहेत. वक्तव्य केल्याशिवाय प्रसिद्धी मिळणार नाही, हे काहींना माहिती आहे. मनोरंजनाच्या दृष्टीनं या वक्तव्यांकडे पाहिलं पाहिजे. यापूर्वीही अशी वक्तव्ये करण्यात आली होती. पण, ती मागे घेण्याची वेळ त्यांच्यावर आली. कुणी टीका केली, तर त्यांच्यावर टीका करण्यास मला वेळ नाही. आपला वेळ जनतेसाठी वापरला पाहिजे.”

श्रीकांत शिंदेंच्या विधानाला गणपत गायकवाडांनी प्रत्युत्तर दिलं आहे. ‘एक्स’ एकाउंटवर ट्वीट करत गणपत गायकवाड म्हणाले, “ज्यांना गद्दारी करून कमी वेळात अमाप पैसा आणि सत्तेच बळ मिळाले आहे. त्यांना त्यांच्या नजरेने सर्व जग विदूषक आहे असा भास होतो.”

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Bjp mla ganpat gaikwad reply shrikant shinde said gaddar kalyan loksabha ssa

First published on: 05-12-2023 at 21:52 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×