देवेंद्र फडणवीस अचानक दिल्ली दौऱ्यावर का गेले? बावनकुळेंनी सांगितलं कारण; म्हणाले “महाराष्ट्रातील…”

हेही वाचा >>‘शिंदेंच्या मनात उठावाचं बीज मीच पेरलं,’ शिवतारेंच्या विधानाचा राऊतांनी घेतला समाचार, म्हणाले, “अरे तुझं नशीब…”

“महाराष्ट्रातील अनेक योजनांचा निधी थकलेला असून तो आणण्यासाठी व विविध योजना महाराष्ट्रात आणण्यासाठी देवेंद्र फडणवीस हे दिल्लीला गेले आहेत,” अशी माहिती चंद्रशेखर बावनकुळे यांनी दिली.

आगामी निवडणुकीत भाजपा पक्ष सर्वोच्चस्थानी असेल, असा दावा बावनकुळे यांनी केला. “जिल्हा परिषद, पंचायत समिती असो व स्थानिक स्वराज्य संस्था असो यामध्ये भाजपा हा प्रथम क्रमांकाचा पक्ष राहील,” असे बावनकुळे म्हणाले.

हेही वाचा >> ‘देवेंद्र फडणवीस भविष्यात मोदींनाही आव्हान देणार,’ सुषमा अंधारेंचा मोठा दावा; चंद्रकांत पाटलांचा संदर्भ देत, म्हणाल्या “त्यांना आजूबाजूला…”

सध्या सुरू असलेल्या हिवाळी अधिवेशनात राष्ट्रवादीचे नेते जयंत पाटील यांचे निलंबन करण्यात आले आहे. याचेदेखील बावनकुळे यांनी समर्थन केले. “महाविकास आघाडीच्या काळात काही चूक नसतानाही बारा आमदारांना निलंबित करण्यात आले होते. मात्र जयंत पाटील हे भर सभागृहात बोलले असून त्यांचे बोलणे अशोभनीय आहे. जयंत पाटील यांनी खुलेआम शिवीगाळ केली आहे. त्यांच्यावर केलेली निलंबनाची कारवाई योग्यच आहे,” असे चंद्रशेखर बावनकुळे म्हणाले.