scorecardresearch

Premium

“एकनाथ खडसे रावेरमधून लोकसभा निवडणूक लढले तर…”, चंद्रशेखर बावनकुळेंचं वक्तव्य चर्चेत

राष्ट्रवादी काँग्रेस पक्ष एकनाथ खडसे यांना रावेरमधून लोकसभेच्या रिंगणात उतरवण्याच्या तयारीत आहे. तर खडसेही त्यास अनुकूल आहेत.

Chandrashekhar Bawankule Eknath Khadse
एकनाथ खडसे रावेरमधून लोकसभा निवडणूक लढतील अशी शक्यता वर्तवली जात आहे.

राष्ट्रवादी काँग्रेस पक्ष एकनाथ खडसे यांना रावेर मतदारसंघातून लोकसभेच्या रिंगणात उतरवण्याच्या तयारीत आहे. पक्षाचे प्रदेशाध्यक्ष जयंत पाटील यांनी यासंबंधी सूचक वक्तव्य केलं आहे. राष्ट्रवादीच्या जळगावातील सभेत जयंत पाटील एकनाथ खडसे यांना उद्देशून म्हणाले, रावेर लोकसभेचा धनुष्यबाण तुम्ही उचलावा. तर, एकनाथ खडसे यांनीदेखील जयंत पाटलांच्या विनंतीला अनुकूलता दर्शवली आहे. राष्ट्रवादी काँग्रेसचे नेते आणि आमदार एकनाथ खडसे म्हणाले, मी लोकसभेची निवडणूक लढवण्यास फार इच्छूक नाही. परंतु, पक्षाने जबाबदारी सोपवल्यास ती जबाबदारी मी निभावेन.

एकनाथ खडसे म्हणाले, १९८९ साली रावेर लोकसभा मतदारसंघ तयार करण्यात आला. तेव्हापासून आतापर्यंत पोटनिवडणुकांसह रावेरमध्ये एकूण १० निवडणुका झाल्या. या १० निवडणुकांपैकी नऊ वेळा तिथे काँग्रेसचा पराभव झाला आहे. केवळ एकच निवडणूक काँग्रेसला जिंकता आली आहे. काँग्रेसने एकदाच केवळ १३ महिन्यांसाठी हा मतदारसंघ आपल्या ताब्यात घेतला होता. ही जागा जर राष्ट्रवादीला मिळाली आणि पक्षाने मला आदेश दिला तर मी पक्षाच्या सूचनेचा नक्कीच विचार करेन.

Vijay Wadettiwar talk on new symbol ncp
राष्ट्रवादीच्या नव्या चिन्हावर वडेट्टीवार म्हणाले, “तुतारी वाजवायला ‘हात’… ”
congress leaders, remembering Vilasrao deshmukh
‘साहेब’ तुम्ही हवे होतात…पडझडीच्या काळात काँग्रेस नेत्यांना विलासरावांची आठवण
Demonstrations by Sharad Pawar group symbol removed from NCP Congress building Pune news
शरद पवार गटाकडून तीव्र निदर्शने, राष्ट्रवादी काँग्रेस भवनावरील चिन्ह हटविले
karti chidambaram
कार्ती चिदंबरम यांना शिवगंगा मतदारसंघातून हटवण्याची मोहीम; अनेक नेते नाराज, तमिळनाडू काँग्रेसमध्येही पडणार फूट?

दरम्यान, यावर भारतीय जनता पार्टीने प्रतिक्रिया दिली आहे. भाजपा प्रदेशाध्यक्ष चंद्रशेखर बावनकुळे याबाबत म्हणाले, रावेरमध्ये कोणीही उभं राहिलं तरी आगामी लोकसभा निवडणूक रक्षा खडसेच (रावेरच्या विद्यमान खासदार) जिंकणार. रक्षा खडसे या निवडणुकीत तब्बल दोन लाख मतांनी विजयी होतील.

भाजपा प्रदेशाध्यक्ष चंद्रशेखर बावनकुळे म्हणाले, एकनाथ खडसे लोकसभा निवडणुकीत रावेरमधून लढले तरी रक्षा खडसे ती निवडणूक जिंकतील. कारण त्यांनी ज्या पद्धतीने तिथे काम केलंय, नरेंद्र मोदी सरकारच्या ९ वर्षांच्या कार्यकाळात आमच्या सर्वच खासदारांनी उत्तम काम केलं आहे. रक्षा खडसे यांनीदेखील मतदारसंघात खूप चांगली कामं केली आहेत. मतदारसंघात त्या पायी फिरल्या आहेत. त्यामुळे रावेरमध्ये कोणीही लढलं तरी रक्षा खडसेच जिंकणार इतकी त्यांची ताकद आहे.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Chandrashekhar bawankule says eknath khadse loksabha elections raver constituency raksha khadse will win asc

First published on: 13-09-2023 at 18:13 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×