scorecardresearch

Premium

मराठा-ओबीसी वादावर एकनाथ शिंदेंची प्रतिक्रिया; भुजबळांचं समर्थन करत म्हणाले…

मराठा आरक्षणाबाबत छगन भुजबळांनी घेतलेल्या भूमिकेचं मुख्यमंत्री एकनाथ शिंदेंनी समर्थन केलं आहे.

chhgan bhubal and eknath shinde
फोटो-लोकसत्ता ग्राफिक्स टीम

मराठा आरक्षणावरून महाराष्ट्रातील राजकीय वातावरण तापलं आहे. सरकारने मराठा समाजाला ओबीसी प्रवर्गातून आरक्षण द्यावं, अशी मागणी मराठा आंदोलक मनोज जरांगे पाटील यांनी केली आहे. जरांगे यांच्या मागणीला अजित पवार गटाचे नेते व मंत्री छगन भुजबळ यांनी विरोध केला आहे.

मराठा समाजाला वेगळं आरक्षण द्यावं, त्यांचा ओबीसी प्रवर्गात समावेश करू नये, अशी थेट भूमिका छगन भुजबळ यांनी घेतली. छगन भुजबळांच्या या भूमिकेला मराठा समाजातून प्रचंड विरोध केला जात आहे. यामुळे मराठा आरक्षणावरून आता छगन भुजबळ विरुद्ध मनोज जरांगे असा वाद निर्माण झाला आहे. या घडामोडींनंतर मुख्यमंत्री एकनाथ शिंदे यांनी छगन भुजबळांच्या भूमिकेचं समर्थन केलं आहे. छगन भुजबळांची जी भूमिका आहे, तीच आमची भूमिका आहे, अशी प्रतिक्रिया मुख्यमंत्री शिंदे यांनी दिली. ते प्रसारमाध्यमांशी बोलत होते.

Eknath Shinde on Maratha Reservation
‘मराठ्यांच्या तोंडाला पाने पुसली का?’, विरोधकांच्या आरोपावर मुख्यमंत्री एकनाथ शिंदे स्पष्ट म्हणाले…
Maratha community Chief Minister Eknath Shinde Upcoming Lok Sabha and Assembly Elections
मराठा समाजाचा कैवारी म्हणून प्रतिमा उंचविण्यावर मुख्यमंत्र्यांचा भर!
cm eknath Shinde, manoj jarange patil , supporter of Maratha community, eknath shinde news, maratha reservation case,
मराठा समाजाचे कैवारी अशी मुख्यमंत्री शिंदे यांनी स्वत:ची केली प्रतिमा तयार
Ram Lalla Murti Has Changed Ayodhya Ram Mandir Arun Yogiraj Reaction Says This is Not My Work How Krishna Sheela Was Carved
“रामलल्ला बदलले, हे माझे काम नाही..”, मूर्तिकार अरुण योगीराज यांची माहिती, म्हणाले, “मूर्ती तयार झाली त्यावेळेस..”

हेही वाचा- “२०१९ला कुणीतरी बोललं, मी पुन्हा येईन…”, रोहित पवारांचा आशिष शेलारांना टोला

मराठा आरक्षणावर भाष्य करताना एकनाथ शिंदे म्हणाले, “कुणब्यांच्या जुन्या नोंदींबाबतचा जीआर आपण काढलेला नाही. १९६७ ते २००४ पासून याच जीआरचा अवलंब केला जात आहे. ज्याठिकाणी कुणबी नोंदी असताना दाखले मिळत नव्हते, तिथे दाखले देण्याची प्रक्रिया सुरू केली आहे. छगन भुजबळांची एवढीच मागणी आहे की, ओबीसीचं आरक्षण कमी होता कामा नये. तीच भूमिका सरकारचीही आहे. आम्ही ती स्पष्टपणे घेतली आहे. आमची भूमिका कायम आहे.”

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Cm eknath shinde support chhagan bhujbal stand kunabi certificate maratha reservation rmm

First published on: 28-11-2023 at 09:44 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×