Covid 19 1 thousand 520 corona recovered in a day in the state msr 87|Covid 19 : राज्यात आज दिवसभरात १ हजार ५२० करोनामुक्त ; रिकव्हरी रेट ९७.४६ टक्के

१ हजार ४१० नवीन करोनाबाधित आढळून आले आहेत.

राज्यात आज रोजी एकूण ७,५५५ ॲक्टिव्ह रुग्ण आहेत. (प्रातिनिधिक छायाचित्र)

राज्यात आज दिवसभरात १ हजार ५२० रूग्ण करोनामधून बरे झाले असून, १ हजार ४१० नवीन करोनाबाधित आढळून आले आहेत. याचबरोबर १८ करोनाबाधित रूग्णांच्या मृत्यूची नोंद देखील झाली आहे.

राज्यात आजपर्यंत एकूण ६४,३५,४३९ करोनाबाधित रुग्ण बरे होऊन घरी परतले आहेत. यामुळे राज्यातील रुग्ण बरे होण्याचे प्रमाण (रिकव्हरी रेट) ९७.४६ टक्के एवढे झाले आहे.

आता राज्यातील करोना बाधित रुग्णांची एकूण संख्या ६६,०२,९६१ झाली आहे. तर, राज्यात आजपर्यंत १४००१६ करोनाबाधित रूग्णांचा मृत्यू झाला. सध्या राज्यातील मृत्यूदर २.१२ टक्के एवढा आहे.

आजपर्यंत तपासण्यात आलेल्या ६,१८,९३,६९५ प्रयोगशाळा नमुन्यांपैकी ६६,०२,९६१ (१०.६७ टक्के) नमुने पॉझिटिव्ह आले आहेत. सध्या राज्यात १,९१,४०१ व्यक्ती होमक्वारंटाईनमध्ये आहेत तर ९०३ व्यक्ती संस्थात्मक क्वारंटाईनमध्ये आहेत. राज्यात आज रोजी एकूण २३,८९४ ॲक्टिव्ह रुग्ण आहेत.

First published on: 24-10-2021 at 20:19 IST

TOPICSकरोना विषाणू Coronavirus

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Covid 19 1 thousand 520 corona recovered in a day in the state msr