भाजपामध्ये नुकत्याच प्रवेश केलेल्या अमरावतीच्या खासदार नवनीत राणा या यंदा कमळ चिन्हावर निवडणूक लढवत आहेत. “भाजपाच्या खासदारांपेक्षाही मी अधिक आक्रमकपणे भाजपाचे विचार मांडते, लोकसभेत विरोधकांवर टीका करते”, असे नवनीत राणा यांनी पक्षप्रवेशानंतर सांगितले होते. तसेच भाजपामध्ये प्रवेश करताना त्यांना अश्रू अनावर झाले होते. मात्र मतदानाला आता अवघे तीन दिवस उरले असताना नवनीत राणा यांनी पंतप्रधान मोदींबद्दल केलेल्या एका विधानामुळे त्या वादात अडकल्या आहेत. “मोदींची हवा आहे, या फुग्यात राहू नका. २०१९ साली मी अपक्ष असताना जसे काम केले, तसेच करा”, असे आवाहन त्यांनी कार्यकर्त्यांना केले होते. यावर विरोधकांनी टीका केल्यानंतर नवनीत राणा यांनी सारवासारव केली आहे.

नवनीत राणा काय म्हणाल्या?

कार्यकर्त्यांना संबोधित करत असताना नवनीत राणा म्हणाल्या की, मतदानाच्या दिवशी आपल्याला सर्व मतदारांना बुथपर्यंत आणायचे आहे. सर्वांचे मतदान होईल, असा प्रयत्न करायचा आहे. मोदींची हवा आहे, या फुग्यात कुणीही राहू नये. २०१९ साली एवढी मोठी यंत्रणा असूनही मी अपक्ष म्हणून जिंकून आले होते.

A woman Instantly make vermicelli
“किती छान!” काकूंनी झटपट बनवल्या हातावरच्या शेवया, Viral Video पाहून बालपणीच्या आठवणी झाल्या जाग्या
Bangladesh MP Anwarul Azim Anar Missing
बांगलादेशातील बेपत्ता खासदाराचा कोलकात्यात मृतदेह आढळला; हत्या झाल्याचा पोलिसांना संशय
Instagram down
हॅक नाही डाऊन! फेसबुक, इन्स्टाग्राम लॉग इन करताना अडचणी आल्याने नेटकऱ्यांची ‘एक्स’कडे धाव
wife with two men in UP hotel
पत्नीला दोन पुरुषांसह हॉटेल रुमच्या बाथरुममध्ये पकडलं; पतीनं तिघांनाही झोडलं, Video व्हायरल
pfizer whistleblower
“मी आत्महत्या करणार नाही, जीवाचं बरंवाईट झाल्यास..”, फायजरच्या व्हिसल ब्लोअर मेलिसा यांचा व्हिडीओ व्हायरल
Crime News
गोळ्या झाडून आईची हत्या, हातोड्याचे वार करुन पत्नीला संपवलं, मुलांना छतावरुन फेकल्यानंतर तरुणाची आत्महत्या
hamid mukta dabholkar 9
उच्च न्यायालयात जाण्याचा दाभोलकर कुटुंबीयांचा निर्णय; मख्य सूत्रधाराला शोधण्यात तपास यंत्रणा अपयशी ठरल्याने नाराजी
tadoba andhari tiger project, nayantara tigeress, tigeress did hunt, nayantara tigeress did hunt, tigeress did hunt hide it in water,nimdhela buffer zone, Nayantara tigeress in tadoba, tadoba in Chandrapur, tadoba news, tiger news, Chandrapur news,
VIDEO : ‘नयनतारा’ला ‘भोला’ अन् ‘शिवा’ची भीती! शिकार लपवण्यासाठी ‘ति’ने काय केले, एकदा पहाच…

‘भाजपा जिंकू दे, तुला घरातून उचलून आणेन’, कार्यकर्त्याची महिलेला धमकी; पोलिसांनी केली अटक

विरोधकांकडून टीका

नवनीत राणा यांनी स्वपक्षावरच अप्रत्यक्ष टीका केल्याचा आरोप करून काँग्रेसचे मुख्य प्रवक्ते अतुल लोंढे म्हणाले की, भाजपाने ‘अब की पार ४०० पार’ हा नारा केवळ हवा निर्माण करण्यासाठी दिला आहे. मात्र भाजपाच्या उमेदवार नवनीत राणा यांनी मोदींची हवा नसून कार्यकर्त्यांना त्यांच्यावर विसंबून न राहण्याचा सल्ला दिला. नवनीत राणा यांनी भाजपाच्या फुग्यातील हवा काढली आहे, असा टोला अतुल लोंढे यांनी लगावला. तर राष्ट्रवादी काँग्रेस शरदचंद्र पवार पक्षाचे नेते जितेंद्र आव्हाड म्हणाले की, नवनीत राणा यांनी भाजपाला घरचा आहेर दिला आहे.

नरेंद्र मोदींची पोस्ट चर्चेत! “अपयशाने खचून जायचं नसतं, भारतात संधींची कमतरता नाही”

नवनीत राणा यांची सारवासारव

“व्हिडिओ एडिट करून विरोधकांकडून बातमी चुकीची दाखवण्याचा प्रयत्न केला जात आहे. त्यांना माझे सांगणे आहे की, या देशाची जनता भाजपा आणि पंतप्रधान नरेंद्र मोदींबरोबर आहे. पूर्ण देशात कोणतेही विरोधक मोदींसमोर नाहीत. मोदींची हवा होती, आहे आणि राहील. देशाच्या प्रगतीसाठी मोदी हे आवश्यक आहेत. विरोधकांनी ही सगळी यंत्रणा राबविण्यापेक्षा लोकांच्या हितासाठी आपण बोललं पाहिजे”, अशी प्रतिक्रिया नवनीत राणा यांनी दिली.