scorecardresearch

Premium

“एकनाथ शिंदेच पुढं मुख्यमंत्री राहावेत, तर देवेंद्र फडणवीसांनी…”, शिंदे गटातील नेत्याचं मोठं विधान

“अजित पवारांनाही मुख्यमंत्रीपदासाठी शुभेच्छा आहेत, पण…”, असेही आमदारांनी म्हटलं

devendra fadnavis eknath shinde
संजय शिरसाट देवेंद्र फडणवीस आणि एकनाथ शिंदे यांच्याबद्दल बोलले आहेत. ( संग्रहित छायाचित्र )

एकनाथ शिंदे यांनीच पुढं मुख्यमंत्री राहावं. तर, देवेंद्र फडणवीस चांगलं काम करतात. फडणवीस यांनी केंद्रात नेतृत्व करावं, असं विधान शिवसेना ( शिंदे गट ) आमदार संजय शिरसाट यांनी केलं आहे. अजित पवार यांनाही मुख्यमंत्रीपदासाठी शुभेच्छा, असंही शिरसाट यांनी म्हटलं. ते भाजपा प्रदेशाध्यक्ष चंद्रशेखर बावनकुळे यांनी केलेल्या विधानावर बोलत होते.

बावनकुळे काय म्हणाले?

“प्रत्येक पक्षाच्या कार्यकर्त्यांना वाटतं की, आपला नेता मुख्यमंत्री व्हावा. भाजपाच्या नेत्यांना वाटतं, देवेंद्र फडणवीस मुख्यमंत्री व्हावेत. पण, एकनाथ शिंदे हेच मुख्यमंत्री राहणार, असं केंद्रीय समितीनं सांगितलं, तर आम्हाला काम करावे लागेल,” असं बावनकुळेंनी म्हटलं होतं.

Sanjay Raut criticizes Bihar Chief Minister Nitish Kumar and BJP leader pune
दोन्ही खेळाडूंना विस्मरणाचा झटका आलाय, बिहारचे मुख्यमंत्री नितीशकुमार आणि भाजप नेत्यावर संजय राऊताची टीका
Nitish Kumar
सकाळी राजीनामा, दुपारी पाठिंब्याचं पत्र, संध्याकाळी पुन्हा शपथ; नितीश कुमार नवव्यांदा बिहारच्या मुख्यमंत्रीपदी!
Bihar Chief Minister Nitish Kumar criticizes PM Narendra Modi to take full credit for Karpuri Thakur Bharat Ratna Award
संपूर्ण श्रेय पंतप्रधानांनीच घ्यावे; नितीश
Chief Minister Eknath Shinde criticizes Uddhav Thackeray
“मुख्यमंत्री पदासाठी मिंधेपणा करणारे…”, मुख्यमंत्री एकनाथ शिंदेंचा ठाकरेंवर पलटवार; म्हणाले, “लबाड लांडग्याने…”

हेही वाचा : निवडणूक आयोग राष्ट्रवादी काँग्रेसचं ‘घड्याळ’ चिन्ह गोठवणार? कायदेतज्ञ उज्ज्वल निकम म्हणाले…

“अजित पवारांचेही कार्यकर्ते मुख्यमंत्रीपदाचे बॅनर लावतात, पण…”

यावर ‘टीव्ही ९ मराठी’शी संवाद साधताना संजय शिरसाट म्हणाले, “पक्षाचा कार्यकर्ता आपल्या नेत्याला मुख्यमंत्रीपदी पाहू इच्छितो. अजित पवारांचेही कार्यकर्ते मुख्यमंत्रीपदाचे बॅनर लावतात. पण, एकनाथ शिंदे यांनीच पुढं मुख्यमंत्री राहावं, ही माझी इच्छा आहे. देवेंद्र फडणवीस चांगलं काम करतात. फडणवीसांनी केंद्रात आपलं नेतृत्व करावं.”

“‘ती’ धमक फडणवीसांमध्ये”

“यशवंतराव चव्हाण यांच्यापासून सर्वांनी केंद्रात आपली धमक दाखवली आहे. ती धमक दाखवण्याची क्षमता देवेंद्र फडणवीसांमध्ये आहे. भविष्य सांगता येत नाही. मात्र, फडणवीसही महाराष्ट्राचे मुख्यमंत्री होतील,” असं संजय शिरसाटांनी म्हटलं.

हेही वाचा : मंत्रिमंडळ बैठकीला गैरहजर असल्यानं नाराजीच्या चर्चा, अजित पवारांनी सोडलं मौन; म्हणाले, “आरे बाबा…”

“हा नशिबाचा खेळ”

“अजित पवारांनाही मुख्यमंत्रीपदासाठी शुभेच्छा आहेत. राजकारणात कुठलीही गोष्ट अशक्य नाही. पण, हा नशिबाचा खेळ आहे,” असं संजय शिरसाटांनी सांगितलं.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Eknath shinde again cm and devendra fadnavis go central ministry say sanjay shirsat ssa

First published on: 07-10-2023 at 16:50 IST

आजचा ई-पेपर : महाराष्ट्र

वाचा
epaper image

संबंधित बातम्या

×