scorecardresearch

Premium

मंत्रिमंडळ बैठकीला गैरहजर असल्यानं नाराजीच्या चर्चा, अजित पवारांनी सोडलं मौन; म्हणाले, “आरे बाबा…”

ओबीसी बैठकीत छगन भुजबळांबरोबर झालेल्या खडाजंगीबाबतही अजित पवारांनी भाष्य केलं आहे.

ajit pawar
नाराजीच्या चर्चांवर अजित पवारांनी स्पष्टीकरण दिलं आहे. ( संग्रहित छायाचित्र )

जुलै महिन्यात अजित पवार ९ आमदारांसह शिंदे-फडणवीस सरकारमध्ये सामील झाले. यानंतर अन्य आमदारांनीही अजित पवार यांना पाठिंबा दर्शवला. तेव्हापासून सरकारमधील शिंदे गट आणि अजित पवार गटात धुसफूस असल्याचं सांगितलं जात आहे. अशातच उपमुख्यमंत्री अजित पवार काही दिवसांपासून नाराज असल्याच्या चर्चांना उधाण आलं आहे.

अजित पवारांच्या नाराजीच्या चर्चांना गणशोत्सवापासून सुरूवात झाली. वेगवेगळ्या दिग्गजांनी मुख्यमंत्री एकनाथ शिंदे यांच्या शासकीय बंगला वर्षा निवासस्थानी हजेरी लावली. पण, संपूर्ण गणेशोत्सवात अजित पवार ‘वर्षा’ बंगल्यावर गेले नाहीत. तसेच, ३ ऑक्टोबरला झालेल्या मंत्रिमंडळ बैठकीलाही अजित पवार यांनी हजेरी लावली नव्हती. यामुळे अजित पवार नाराज असल्याचं सांगितलं जात होतं.

Ajit Pawar and rohit pawar
अजित पवारांना कुटुंबात एकटं पाडलं जातंय का?, रोहित पवार म्हणाले, “साहेबांनी बांधलेल्या घरातून…”
Construction Minister ravindra chavans program boycotted by Guardian Ministers and MP
महायुतीतील घटक पक्षाच्या पदाधिकाऱ्यांच्या घरी गेल्याने बांधकाम मंत्री चव्हाण यांच्या कार्यक्रमावर पालकमंत्री, खासदारांचा बहिष्कार
chitra wagh reply to ubt leader sushma andhare
“विरोधकांनी शहाणपण शिकवण्याची गरज नाही,” चित्रा वाघ यांनी सुनावले; म्हणाल्या, “त्यांना केवळ देवेंद्र फडणवीसांचा राजीनामा…”
Sanjay Raut slams Ajit pawar
“तेव्हा अजित पवार बारामतीत सायकलवर…”, शरद पवारांबाबत केलेल्या त्या विधानावर संजय राऊतांची टीका

हेही वाचा : निवडणूक आयोग राष्ट्रवादी काँग्रेसचं ‘घड्याळ’ चिन्ह गोठवणार? कायदेतज्ञ उज्ज्वल निकम म्हणाले…

पण, या चर्चांवर अजित पवार यांनी मौन सोडलं आहे. ते नाशिकमध्ये शेतकरी मेळाव्यात बोलत होते. अजित पवार म्हणाले, “मी नाराज असल्यानं मंत्रिमंडळ बैठकीला गेलो नाही, अशा बातम्या चालवण्यात आल्या. आरे बाबा तब्येत ठिक नव्हती, कुठं मंत्रिमंडळ बैठकीला जाता.”

हेही वाचा : “संजय राऊत उत्तर देण्याच्या लायकीचे नाहीत, कारण…”, देवेंद्र फडणवीसांची टीका

“ओबीसी बैठकीतही माझ्यात आणि छगन भुजबळ यांच्यात खडाजंगी झाली, अशा बातम्या चालवल्या. आरे कशाची खडाजंगी… ही बातमी आल्यानंतर मी भुजबळांना फोन केला आणि विचारलं, ‘कधी आपल्यात खडाजंगी झाली?’… म्हणजे काहीही चालू आहे. पण, लोकांना बातम्या वाचून खरे वाटते. हे तीन पक्षांचं सरकार आहे. घर चालवत असताना कारभाऱ्याला अडचणी येत असतात. येथे वेगवेगळ्या विचारधारा आहेत. नरेंद्र मोदी यांना तिसऱ्यांदा पंतप्रधान करायचं असल्याने आम्ही एकत्र आलो आहोत,” असं अजित पवार यांनी सांगितलं.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ajit pawar clarification why not attended cabinet meeting 3 octomber ssa

First published on: 07-10-2023 at 15:43 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×