scorecardresearch

Premium

आधी ‘गद्दार’ म्हणून रामदास कदमांवर टीका, आता कीर्तिकरांकडून वादावर पडदा टाकण्याचा प्रयत्न; म्हणाले…

“मुख्यमंत्र्यांनी आम्हा दोघांना चर्चेसाठी बोलावलं, तर…”, असेही कीर्तिकरांनी सांगितलं.

ramdas kadam gajanan kirtikar
आधी 'गद्दार' म्हणून रामदास कदमांवर टीका, आता कीर्तिकरांकडून वादावर पडदा टाकण्याचा प्रयत्न ( संग्रहित छायाचित्र )

मुंबईतील उत्तर-पश्मिच लोकसभा मतदारसंघावरून शिंदेंच्या शिवसेनेतील खासदार गजानन कीर्तिकर आणि नेते रामदास कदम समोर-समोर ठाकले होते. कीर्तिकरांनी रामदास कदमांना ‘गद्दार’ उपमा दिल्याने दोन्ही नेत्यांमध्ये वातावरण चांगलंच तापलं होतं. पण, या वादावर कीर्तिकरांनी पडदा टाकण्याचा निर्णय घेतला आहे.

‘एबीपी माझा’शी बोलताना गजानन कीर्तिकर म्हणाले, “रामदास कदम आरोप करतात म्हणून मी प्रत्युत्तर देणार नाही. याप्रकरणावर माझ्याकडून पडदा टाकण्यात आला आहे. मी माझ्या भावना मुख्यमंत्र्यांकडे व्यक्त केल्या आहेत. एकनाथ शिंदेंच्या नेतृत्वावर मला विश्वास आहे.”

Raj Thackeray Ashish Shelar
वरिष्ठांचा युतीबाबतचा निरोप घेऊन राज ठाकरेंना भेटलात? आशिष शेलार म्हणाले, “आम्ही साद घालायला…”
ajit pawar
भर सभेत अजित पवारांचे मुख्यमंत्रिपदावर भाष्य, कार्यकर्त्यांना उद्देशून म्हणाले; “बाबांनो जरा…”
Ajit-Pawar-
“ज्येष्ठ नेत्यांनी शारीरिक दगदगीचा विचार करावा, म्हणून…”, ‘त्या’ वक्तव्याप्रकरणी अजित पवारांनी दिलं स्पष्टीकरण
chitra wagh reply to ubt leader sushma andhare
“विरोधकांनी शहाणपण शिकवण्याची गरज नाही,” चित्रा वाघ यांनी सुनावले; म्हणाल्या, “त्यांना केवळ देवेंद्र फडणवीसांचा राजीनामा…”

हेही वाचा : शिंदे गटात वचक ना नेत्यांवर, ना आमदारांवर

“आम्हीच भांडत बसलो, तर शिवसैनिकांपर्यंत चुकीचा संदेश जाईल. त्यामुळे रामदास कदमांनी कितीही टीका केली, तर मी कुठलंही भाष्य करणार नाही. तसा शब्द एकनाथ शिंदेंना दिला आहे. मुख्यमंत्र्यांनी आम्हा दोघांना चर्चेसाठी बोलावलं, तर माझी तयारी आहे,” असं गजानन कीर्तिकरांनी म्हटलं.

हेही वाचा : उत्तर-पश्चिम लोकसभा मतदारसंघावरून शिंदे गटात वाद उफाळला, गजानन कीर्तिकरांनी रामदास कदमांना सुनावलं

नेमका वाद काय?

रामदास कदमांनी पहिल्यांदा मुंबईतील उत्तर-पश्मिच लोकसभा मतदारसंघातून गजानन कीर्तिकरांनी निवडणूक लढवण्यास नकार दिला, तर पूत्र सिद्धेश कदम लढवेल, असं वक्तव्य केलं होतं. यानंतर गजानन कीर्तिकरांनी प्रसिद्धीपत्रक काढत रामदास कदमांवर हल्लाबोल केला होता. त्यावर प्रत्युत्तर देताना रामदास कदमांनीही कीर्तिकरांवर वैयक्तिवर पातळीवर जाऊन टीका केली होती.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Gajanan kirtikar drop ramdas kadam attacks after meet eknath shinde ssa

First published on: 14-11-2023 at 18:46 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×