अवसायानातील अर्बन बँकेच्या ठेवीदारांना उर्वरित रक्कम लवकरच; अवसायक गणेश गायकवाड यांची माहिती

बँकेचा परवाना रद्द केल्यानंतर बँकेच्या दैनंदिन खर्चात कपात करण्याच्या दृष्टीने भाडेतत्त्वावरील सर्व शाखा बंद करण्यात आलेल्या आहेत. स्वमालकीची कार्यालयेही बंद करून त्यांचे कामकाज मुख्य शाखेत वर्ग करण्यात आले आहे. त्यामुळे बँकेच्या दैनंदिन खर्चात मोठी बचत झाली आहे.याबरोबरच थकबाकीदारांनी थकीत कर्ज वसुली, तारण मालमत्ता ताब्यात घेऊन त्यांचा लिलावही प्रक्रिया ही वेगवान करण्यात आली आहे. त्यामुळे जुलै २०२५ अखेर २२१५ ठेवीदारांना ५० टक्के रक्कम म्हणजे ९६ कोटी १६ लाख रुपये तर १५ ऑक्टोबर २०२५ पर्यंत १५ टक्के रक्कम म्हणजे २८ कोटी ८४ लाख रुपये परत करण्यात आले आहेत.

ज्या खातेदारांनी आपली केवायसी कागदपत्रे अद्याप बँकेकडे जमा केली नाहीत, त्यांनी तत्काळ कागदपत्रे आपल्या नजीकच्या शाखेत, मुख्यालयात जमा करावीत. त्याचबरोबर थकीत कर्जदारांनी थकबाकीची रक्कम बँकेकडे भरून प्रशासनास सहकार्य करावे असे, आवाहन बँकेचे अवसायक गणेश गायकवाड यांनी केले आहे.