Maharashtra Politics Updates : देशाचे पंतप्रधान नरेंद्र मोदी यांचा आज (१७ सप्टेंबर २०२५) ७५ वा वाढदिवस असून या निमित्ताने देशासह जगभरातून पंतप्रधान मोदींना शुभेच्छा देण्यात येत आहेत. राज्यातील नेत्यांकडून देखील पंतप्रधान मोदींना शुभेच्छा दिल्या आहेत. याबरोबरच राज्यातील राजकारणात महापालिका निवडणुकीच्या पार्श्वभूमीवर वातावरण तापण्यास सुरूवात झाली आहे. काल मुंबईत भाजपाच्या विजय संकल्प मेळाव्यात मुख्यमंत्री देवेंद्र फडणवीस यांनी उद्धव ठाकरे यांच्यावर जोरदार टीका केली. यानंतर आज ठाकरेंच्या शिवसेनेकडून काय प्रतिक्रिया येतात हे पाहणे महत्त्वाचे ठरणार आहे. तसेच राज्यातील काही भागांत पावसाचा जोर कायम आहे. पुढील दोन दिवस राज्यातील काही जिल्ह्यांमध्ये मेघगर्जनेसह मुसळधार पावसाचा अंदाज व्यक्त करण्यात आला आहे. या सर्व घडामोडींचा आढावा आपण या लाईव्ह अपडेट्सच्या माध्यमातून घेणार आहोत.

Live Updates

Mumbai Pune Marathi News Live Today : राज्यातील सर्व महत्त्वाच्या घडामोडी वाचा एका क्लिकवर.....

20:41 (IST) 17 Sep 2025

दोन जातींच्या उपसमित्यांची गरज होती का? ज्येष्ठ नेते शरद पवार यांचा राज्य सरकारला सवाल

‘या विषयात राजकारण न करता सामाजिक ऐक्य आणि सर्वांनी एकत्र येऊन कटुता कमी कशी करता येईल, हे पाहिले पाहिजे,’ अशी भूमिका त्यांनी स्पष्ट केली. ...अधिक वाचा
20:32 (IST) 17 Sep 2025

भीमा कोरेगाव प्रकरणातील बेकायदेशीर पुराव्यांच्या आधारावर गडचिरोली प्रकरणात खोटा आरोप; सर्वोच्च न्यायालयात…

मुंबई उच्च न्यायालयाच्या नागपूर खंडपीठाने याप्रकरणात जामीन नाकारल्यावर गडलिंग यांनी जामीनासाठी सर्वोच्च न्यायालयात याचिका दाखल केली. याचिकेवर न्यायमूर्ती जे. के. महेश्वरी आणि न्यायमूर्ती विजय बिश्नोई यांच्या खंडपीठासमक्ष सुनावणी झाली. ...अधिक वाचा
20:18 (IST) 17 Sep 2025

कर्ज परतफेड केल्यानंतरच कृषी उत्पन्न बाजार समित्यांना लाभ; पणन मंत्री जयकुमार रावल यांचा आदेश

समित्यांकडील वसुली नियमित करण्यासाठी मंडळाने एकरकमी कर्ज परतफेडीची अंमलबजावणी करावी, अशी सूचना जयकुमार रावल यांनी केली. ...सविस्तर वाचा
20:14 (IST) 17 Sep 2025

राज्यात युरिया खताचा तुटवडा; कृषिमंत्री भरणे यांनी उचलले महत्त्वाचे पाऊल

राज्याला खरीप हंगामात एप्रिल ते जुलै या कालावधीत केंद्र सरकारकडून १०.६७ लाख टन युरिया खताचा साठा मंजूर झाला होता. प्रत्यक्षात एकूण युरिया खतापैकी फक्त ७९ टक्के म्हणजे ८.४१ लाख टनाचा पुरवठा करण्यात आला. ...सविस्तर बातमी
20:00 (IST) 17 Sep 2025

राज्यात ओला दुष्काळ जाहीर करून सरसकट कर्जमाफी द्या; खासदार सुप्रिया सुळे यांची मागणी

पुणे महापालिकेत येत असलेल्या आणि बारामती लोकसभा मतदारसंघात समावेश असलेल्या वारजे, कात्रज, चांदणी चौक, धायरी या भागातील उड्डाणपूल तसेच नागरिकांना भेडसावणारे प्रश्न जाणून घेण्यासाठी खासदार सुप्रिया सुळे यांनी या भागात पाहणी केली. ...अधिक वाचा
19:53 (IST) 17 Sep 2025

इंदापूरमध्ये अतिवृष्टीमुळे ऊस पिकाचे नुकसान; गाळपावर परिणाम होण्याची शक्यता

साखर कारखान्यांसाठी कच्चा माल म्हणून महत्त्वाचा असलेल्या उसाला पावसाचा तडाखा बसल्याने गाळप हंगामावर परिणाम होण्याची शक्यता वर्तविण्यात येत आहे. ...वाचा सविस्तर
19:50 (IST) 17 Sep 2025

पिंपरी- चिंचवड: दरोडा टाकण्याच्या तयारीत असलेल्या रावण टोळीला बेड्या; गुंडा विरोधी पथकाची कारवाई

ज्वेलर्सच्या दुकानावर दरोडा टाकण्याच्या तयारीत असणाऱ्या रावण टोळीला गुंडा विरोधी पथकाने बेड्या ठोकल्या आहेत. ...वाचा सविस्तर
19:40 (IST) 17 Sep 2025

MPSC PSI Result: ‘एमपीएससी’च्या पीएसआय मुख्य परीक्षेचा निकाल जाहीर, शारीरिक चाचणीसाठी हा आहे कट ऑफ

महाराष्ट्र लोकसेवा आयोगाने महाराष्ट्र गट-ब (अराजपत्रित) सेवा संयुक्त मुख्य परीक्षा २०२४ अंतर्गत पोलीस उपनिरीक्षक पदासाठी घेण्यात आलेल्या परीक्षेचा निकाल जाहीर केला आहे. ...वाचा सविस्तर
19:31 (IST) 17 Sep 2025

साताऱ्यात शाही सीमोल्लंघनाचे आयोजन

सातारा येथे येत्या शाही सीमोल्लंघन सोहळ्याच्या नियोजनासाठी बैठक पार पडली. ...सविस्तर बातमी
19:21 (IST) 17 Sep 2025

"मनोज जरांगे यांना जे पाहिजे होते, ते…", गिरीश महाजन यांचा दावा

मनोज जरांगे यांना जे पाहिजे होते, ते दिले आहे. कायद्याच्या चौकटीत त्यांना ते दिले आहे , असे महाजन यांनी म्हटले आहे. ...सविस्तर बातमी
19:19 (IST) 17 Sep 2025

मीनाताई ठाकरे पुतळा विटंबन : बुलढाण्यात दुग्धाभिषेक, जळगावात निदर्शने

बुलढाणा शहरातील जयस्तंभ चौक येथे आज, बुधवार १७ सप्टेंबरला निषेध आंदोलन करण्यात आले. यावेळी मोठ्या संख्येने उपस्थित शिवसैनिक व पदाधिकाऱ्यांनी घोषणाबाजी करून आपल्या भावना व्यक्त केल्या. ...अधिक वाचा
19:08 (IST) 17 Sep 2025

VIDEO : हजारोंच्या संख्येने बंजारा समाज रस्त्यावर, आरक्षणाच्या मुद्द्यावर…

समाजाच्यावतीने राज्याच्या मुख्यमंत्र्यांना तालुका प्रशासनामार्फत निवेदन पाठवण्यात आले आहे. ...वाचा सविस्तर
19:01 (IST) 17 Sep 2025

नारायणगाव येथील मीना नदीपात्रात मृतदेह

तुळशीराम भीमा मधे (वय ४५, रा. पांगरी, ता. अकोले, जि. अहिल्यानगर) असे मृत्युमुखी पडलेल्याचे नाव आहे. ...सविस्तर वाचा
18:51 (IST) 17 Sep 2025

अतिवृष्टीमुळे काश्मिरमधील देशी सफरचंदांची आवक ठप्प; दरात किलोमागे ५० ते १०० रुपयांची वाढ

पावसाळ्यात हिमाचल प्रदेश, काश्मिरमधील देशी सफरचंदाचा हंगाम सुरू होता. श्रावण महिना, गणेशोत्सव, तसेच नवरात्रौत्सवात सफरचंदांच्या मागणीत मोठी वाढ होते. ...वाचा सविस्तर
18:50 (IST) 17 Sep 2025

संगमेश्वर साडवली येथे जखमी अवस्थेत असलेल्या बिबट्याला पकडले

संगमेश्वर तालुक्यातील साडवली कासारवाडी येथे घराच्या मागील बाजूस अडकून पडलेल्या बिबट्याला जखमी अवस्थेत वन विभागाच्या पथकाने पिंजरा लावून पकडले. ...सविस्तर वाचा
18:50 (IST) 17 Sep 2025

महावितरणची १०५७ प्रकरणे लोकअदालतीमध्ये निकाली

पुणे विभागातील थकबाकीमुळे वीज पुरवठा बंद करण्यात आलेली ५१ हजार ३१७ प्रकरणे पुण्यात राष्ट्रीय लोकअदालतीमध्ये ठेवण्यात आली होती. ...सविस्तर बातमी
18:47 (IST) 17 Sep 2025

प्रत्येक तालुक्यातील एक गाव मॉडेल म्हणून तयार करू – पालकमंत्री डॉ. उदय सामंत

मुख्यमंत्री समृध्द पंचायतराज अभियानाचा शुभारंभ मिरजोळे समुह ग्रामपंचायतीमधील बाळासाहेब ठाकरे सभागृहात पालकमंत्री डॉ. सामंत यांच्या हस्ते बुधवारी झाला. ...सविस्तर बातमी
18:37 (IST) 17 Sep 2025

पनवेल आरटीओ मुख्यालयाची जागा अडीच एकरच्या खड्यात

३ ऑक्टोबर २०१० रोजी पनवेल येथे स्वतंत्र प्रादेशिक परिवहन कार्यालयाचा (आरटीओ) विभाग सुरू करण्यात आला. गेल्या १५ वर्षात सर्वाधिक महसूल मिळवून देणा-या विभागाला स्वताच्या मुख्यालयाची इमारत बांधता आली नाही. ...वाचा सविस्तर
18:36 (IST) 17 Sep 2025

Bachchu Kadu on Farmers: "राज्यातील शेतकरी शिल्लक राहील की नाही…", बच्चू कडू यांची टीका

महायुती सरकारच्या शेतकरी विरोधी धोरणांमुळे राज्यातील शेतकरी शिल्लक राहील की नाही, याची भीती आता वाटते आहे. ...वाचा सविस्तर
18:30 (IST) 17 Sep 2025

नाशिक : सेवा पंधरवडा उद्घाटनात विविध लाभांचे वितरण

पंतप्रधान नरेंद्र मोदी यांच्या हस्ते मध्य प्रदेशातील धार येथे झालेल्या कार्यक्रमाचे थेट प्रक्षेपण यावेळी दाखविण्यात आले. ...सविस्तर बातमी
18:08 (IST) 17 Sep 2025

शिरुरमध्ये बुडालेल्या तरुणाचा मृतदेह सापडला

सूरज अशोक राजगुरू (वय ३०) असे मृत्युमुखी पडलेल्या तरुणाचे नाव आहे. ...सविस्तर वाचा
18:04 (IST) 17 Sep 2025

‘शाळेनंतरच्या शाळे’त विद्यार्थी शिकणार कोडिंग आणि आर्थिक साक्षरता; काय आहे पिंपरी-चिंचवड महापालिकेचा अनोखा उपक्रम?

पिंपरी-चिंचवड महापालिकेच्या १०५ प्राथमिक आणि १८ माध्यमिक शाळा असून, यामध्ये ५७ हजार ५६० विद्यार्थी शिक्षण घेत आहेत. ...अधिक वाचा
17:53 (IST) 17 Sep 2025

नाशिक: "ही तर विकृती", गिरीश महाजन संतप्त

मुंबईत मीनाताई ठाकरे यांच्या पुतळ्यावर लाल रंग टाकणे ही विकृती आहे. ...सविस्तर बातमी
17:44 (IST) 17 Sep 2025

पुणे : शाळकरी मुलाला धमकावून अत्याचार

याबाबत मुलाच्या आईने बाणेर पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, अल्पवयीनाविरुद्ध बालकांचे लैंगिक अत्याचारांपासून संरक्षण कायद्यान्वये (पोक्सो) गुन्हा दाखल करण्यात आला आहे. ...सविस्तर बातमी
17:18 (IST) 17 Sep 2025

बनावट आयडीवरुन जेवणाची ऑर्डर; जाब विचारल्याने 'डिलिव्हरी बॉय'वर हल्ला

पोलिसांनी दिलेल्या माहितीनुसार, फिर्यादी जेवणाची ऑर्डर घेण्यासाठी थांबले असताना आरोपीचा भाऊ बनावट आयडी वापरून ऑर्डर देत होता. ...सविस्तर बातमी
16:59 (IST) 17 Sep 2025

बंजारा समाजाच्या आरक्षणाच्या मागणीबाबत पंकजा मुंडे यांची प्रतिक्रिया; म्हणाल्या...

बंजारा समाजाच्या आरक्षणाच्या मागणीबाबत पंकजा मुंडे यांनी प्रतिक्रिया दिली आहे. एक समाज जर म्हणत असेल की हैदराबाद गॅझेट लागू करा. त्याच्यात ते एसटीत आहे तर त्यांची मागणी आहे. त्यांच्या मागणीबद्दल मी सकारात्मक भूमिका दाखवली. पण मी कोण देणारी? मी काही सुप्रीम कोर्ट किंवा केंद्र सरकार नाही. मी संविधान नाही. सवंधानाच्या चौकटीत समाजांना न्याय मिळाल पाहिजे. मग तो गरीब मराठा पासून बंजारा समाजापर्यंत मिळाला पाहिजे, असे पंकाजा मुंडे म्हणाल्या.

16:57 (IST) 17 Sep 2025

नागरी सुविधा न देणाऱ्या बिल्डरांना दणका! बांधकामे थांबविण्याचे पीएमआरडीए आयुक्तांचे आदेश

पीएमआरडीएकडे प्राप्त झालेल्या तक्रारींच्या अनुषंगाने संबंधित गृहप्रकल्पांची विकास व परवानगी विभागाच्या माध्यामातून तातडीने स्थळ पाहणी करण्यात येणार आहे. ...सविस्तर बातमी
16:57 (IST) 17 Sep 2025

राज्यातील उद्योगांना महामंडळाचा धक्का… पाणीपट्टीत वाढ, औद्योगिक संघटनांचे मौन

महामंडळाकडून औद्योगिक क्षेत्राबाहेरील घरगुती पाणी वापराच्या दरात २०१३ पासून वाढ झाली नसल्याचा दाखला दिला जात आहे. ...सविस्तर वाचा
16:17 (IST) 17 Sep 2025

राजकीय संघर्षात रेशन कार्यालयाची फरफट ? अंबरनाथमध्ये शिधावाटप दुकानांच्या गैरकारभारावरून कुरघोड्यांचे राजकारण

अंबरनाथ शहरात शिधावाटप दुकानांमधून धान्य चोरी, गोर गरिबांना धान्य न देणे असे काही प्रकार सुरू असल्याचे उघडकीस आले होते. त्याविरूद्ध विविध राजकीय पक्षांनी आवाज उठवला. ...अधिक वाचा
16:17 (IST) 17 Sep 2025

संघ मुख्यालयाच्या शहरात शुक्रवारपासून राष्ट्रवादी काँग्रेसचे चिंतन

या शिबिरामध्ये देशभरातून प्रमुख नेते, सर्व मंत्री, खासदार, आमदार, जिल्हाप्रमुख, सेल अध्यक्ष आणि राष्ट्रीय पदाधिकारी असे सुमारे पाचशेहून अधिक पदाधिकारी सहभागी होणार आहे. ...अधिक वाचा