Maharashtra News Live Updates : महाराष्ट्रात मोठी पोलीस भरती, महाराष्ट्र सरकारचा निर्णय नेमका काय?

Maharashtra Politics Live News Updates, 12 August 2025 : गुहागर हेदवतड येथे जाहीर सभेत खोतकीविषयी केलेल्या वक्तव्यावरुन गुहागर येथील ब्राम्हण समाज आता ठाकरे गटाचे आमदार भास्कर जाधव यांच्या विरोधात चांगलाच आक्रमक झाला आहे. शिवसेना नेते आमदार भास्कर जाधव आणि ब्राह्मण समाज यांच्यात नव्या संघर्षाची ठिणगी पडली. दरम्यान भास्कर जाधव म्हणाले की माझ्या भाषणाचा रोख ब्राह्मण समाजावरच होता. मी कुणाचीही माफी मागणार नाही. मी पक्षीय कार्यक्रमात बोललो होतो. मला समाज म्हणून पत्र का देता असा सवाल भास्कर जाधव यांनी विचारला आहे. दुसरीकडे संजय राऊत यांनी ईव्हीएम हॅक कशी केली जातात हे किरीट सोमय्या दाखवायला घेऊन आले होते. तेव्हा बाळासाहेब ठाकरेही हयात होते. आम्ही कुठलेही आरोप हवेत करत नाही हे देवेंद्र फडणवीस यांना सांगा असं विधान केलं आहे. यासह महत्त्वाच्या बातम्यांवर आपली नजर असणार आहे लाइव्ह ब्लॉगच्या माध्यमातून