scorecardresearch

Premium

“फडणवीस मनानेच अशी वक्तव्ये करून वातावरण दुषित करत आहेत”; फडणवीसांच्या ‘त्या’ वक्तव्यावर मनोज जरांगे संतापले

राज्याचे उपमुख्यमंत्री देवेंद्र फडणवीस यांनी केलेल्या एका वक्तव्यावर मराठा आंदोलनातील नेते मनोज जरांगे चांगलेच संतापलेले पाहायला मिळाले.

Manoj Jarange Devendra Fadnavis
उपमुख्यमंत्री देवेंद्र फडणवीसांच्या एका वक्तव्यावर मनोज जरांगे संतापले. (लोकसत्ता ग्राफिक्स टीम)

राज्य सरकारने मराठा आंदोलनातील नेते मनोज जरांगे यांनी मराठा समाजाला सरसकट कुणबी प्रमाणपत्र देण्याची मागणी करत ओबीसी समाजात समावेश करण्याची मागणी केली आहे. याला राज्यातील ओबीसी संघटनांनी विरोध केला आहे. यावर बोलताना राज्याचे उपमुख्यमंत्री देवेंद्र फडणवीस यांनी मराठा समाज आणि ओबीसी समाज एकमेकांविरोधात उभे राहतील असा निर्णय सरकार घेणार नाही, असं मत व्यक्त केलं. त्यावर आता मनोज जरांगे पाटील यांनी संतप्त प्रतिक्रिया दिली. ते सोमवारी (११ सप्टेंबर) जालन्यात पत्रकारांनी विचारलेल्या प्रश्नावर बोलत होते. त्याचा उपोषणाचा १४ वा दिवस आहे.

उपमुख्यमंत्री देवेंद्र फडणवीस यांनी मराठा आणि ओबीसी समाज एकमेकांविरोधात उभे राहतील असा निर्णय देणार नाही, असं म्हटलं. याबाबत विचारलं असता मनोज जरांगे म्हणाले, “ते स्वतःच्या मनानेच मराठा आणि ओबीसी समाज एकमेकांच्या अंगावर येईल, वातावरण खराब होईल असं म्हणत आहेत. आमचंही बघा ना, आमच्यावर किती दिवस अन्याय करता.”

Uday Samant about Eknath Shinde
मुख्यमंत्री एकनाथ शिंदे यांच्याबरोबर गुन्हेगारांच्या छायाचित्रांबाबत उदय सामंत म्हणाले, “मुख्यमंत्र्यांसोबत कोणी छायाचित्र काढल्यास…”
CM Eknath SHinde
“जागतिक तेलाच्या अर्थकारणापासून राजकारणातल्या तेल लावलेल्या पैलवानापर्यंत…”, लोकसत्ताच्या वर्धापन दिनानिमित्त मुख्यमंत्र्यांकडून स्तुतीसुमने
chitra wagh reply to ubt leader sushma andhare
“विरोधकांनी शहाणपण शिकवण्याची गरज नाही,” चित्रा वाघ यांनी सुनावले; म्हणाल्या, “त्यांना केवळ देवेंद्र फडणवीसांचा राजीनामा…”
cm Eknath Shinde thane
ठाणे लोकसभेसाठी मुख्यमंत्री आग्रही?

“फडणवीस मनानेच अशी वक्तव्ये करत वातावरण दुषित करत आहेत”

“फडणवीस मनानेच अशी वक्तव्ये करत वातावरण दुषित करत आहेत. ते ओबीसी समाज रस्त्यावर येईल, मराठा समाज रस्त्यावर येईल असं म्हणत आहेत. मात्र, दोन्ही समाज रस्त्यावर येणार नाही. उलट असं म्हणून तेच समाजाला रस्त्यावर आणत आहेत अशी शंका यायला लागली आहे. त्यांनी उगाच असं वक्तव्य कशासाठी करायचं,” असा प्रश्न मनोज जरांगे यांनी विचारला.

हेही वाचा : “आरक्षणाला वेळ लागेल, तुम्ही ऐकत का नाही?”; मनोज जरांगे म्हणाले, “शिंदे-पवार…”

“एवढ्या मोठ्या माणसाने मनानेच काहीही बोलायला नको”

मनोज जरांगे पुढे म्हणाले, “त्यांच्यावर अन्याय करू नका आणि आमच्यावरही अन्याय करू नका. आमच्यावर किती दिवस अन्याय करणार आहेत. एवढ्या मोठ्या माणसाने काहीही बोलायला नको. जाऊ द्या, मला त्यावर काहीच बोलायचं नाही. मला फक्त इतकंच सांगायचं आहे की, आम्हाला आरक्षण पाहिजे. तेही संपूर्ण महाराष्ट्रातील सरसकट मराठा समाजाला कुणबी प्रमाणपत्र द्या.”

हेही वाचा : Video: “मी हात जोडून आवाहन करतो की…”; पत्रकार परिषद घेत मनोज जरांगेंची मराठा समाजाला साद, म्हणाले…

“त्यांच्या मनात आमच्याविषयी खोट की प्रेम हे उघडं पडणार”

“तुम्ही आता आमचं भिजत घोंगडं ठेऊ नका. आम्ही सर्व पक्षांना खूप दिलंय. त्यामुळे आता द्यायची वेळ तुमची आहे. तुम्हाला जे करायचं ते करा, पण मराठ्यांना आरक्षण द्या. ते मराठा समाजाच्या आरक्षणासाठी किती मनापासून काम करतात हे दिसणार आहे. त्यांच्या मनात आमच्याविषयी खोट आहे की प्रेम आहे हे आज उघडं पडणार आहे. आज महाराष्ट्र सत्ताधारी आणि विरोधी पक्षांकडे पाहत आहे,” असं म्हणत त्यांनी सूचक इशारा दिला.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Manoj jarange get angry over devendra fadnavis statement maratha obc conflict pbs

First published on: 11-09-2023 at 16:57 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×