आक्षेपार्ह बाबी वगळून ‘छावा’ प्रदर्शित करावा : उदयनराजे

उदयनराजे म्हणाले, की आजच्या पिढीला छत्रपती शिवाजी महाराज आणि छत्रपती संभाजी महाराज यांनी राष्ट्रासाठी, धर्मासाठी केलेले योगदान हे चांगल्या पद्धतीने समोर यावे. त्यासाठी हा चित्रपट इतिहास तज्ज्ञ व इतिहास अभ्यासक यांना दाखवून, त्यात काही आक्षेपाई असेल, तर तो भाग वगळून उर्वरित चित्रपट लवकरात लवकर प्रदर्शित करावा, अशा सूचना उदयनराजे यांनी उत्तेकर यांना सूचना केल्या.

धर्मरक्षक, स्वराज्यरक्षक छत्रपती संभाजी महाराज यांच्या जीवनावर आधारित हिंदी चित्रपट बनणे ही आनंदाची गोष्ट आहे. छत्रपतींचा इतिहास जगाला समजावा यासाठी असे प्रयत्न आवश्यक आहेत. मात्र, या चित्रपटात काही आक्षेपार्ह दृश्ये असल्याबाबत मते व्यक्त केली आहेत. हा चित्रपट तज्ज्ञ आणि जाणकारांना आधी दाखविण्यात यावा. त्याशिवाय प्रदर्शित करू नये, अशी आमची भूमिका आहे. महाराजांच्या सन्मानाला बाधा पोहोचेल, अशी कुठलीही गोष्ट खपवून घेतली जाणार नाही.

चित्रपटाचे निर्माते आणि दिग्दर्शकांनी तातडीने याबाबत उपाययोजना करून आक्षेपार्ह काही असेल, तर काढून टाकले पाहिजे, अशी आमची भूमिका आहे. चित्रपट पाहून पुढील निर्णय घेतला जाईल, त्याशिवाय हा चित्रपट प्रदर्शित होऊ देणार नाही. – उदय सामंत, मराठी भाषा मंत्री हा चित्रपट इतिहास तज्ज्ञ व इतिहास अभ्यासक यांना दाखविला जाईल. यासाठी उदयनराजेंना निमंत्रित केले जाईल. त्यानंतरही काही सूचना असतील, तर त्यात बदल करून हा चित्रपट लवकरात लवकर प्रदर्शित केला जाईल. – लक्ष्मण उत्तेकर, चित्रपटाचे दिग्दर्शक