Rupali Chakankar : “फेक नरेटिव्ह कंपनीच्या डायरेक्टर”, रुपाली चाकणकरांची सुप्रिया सुळेंवर खोचक टीका

दुसरीकडे महाविकास आघाडीला आलेल्या अपयशानंतर आघाडीतील नेत्यांकडून ईव्हीएमबाबत संशय व्यक्त केला जात आहे. तसेच महायुतीवर हल्लाबोल करण्यात येत आहे, तर त्यांच्या टीकेला महायुतीमधील नेत्यांकडून प्रत्युत्तरही देण्यात येत आहे. आता राष्ट्रवादी काँग्रेस (अजित पवार) पक्षाच्या नेत्या रुपाली चाकणकर यांनी राष्ट्रवादी काँग्रेस (शरद पवार) पक्षाच्या खासदार सुप्रिया सुळे यांच्यावर खोचक टीका केली. “फेक नरेटिव्ह कंपनीच्या डायरेक्टर सुप्रिया सुळे आहेत”, अशा शब्दांत रुपाली चाकणकर यांनी हल्लाबोल केला आहे.

हेही वाचा : ‘माय पार्टी अँड माय फादर’ म्हणत पार्थ पवारांनी अमोल मिटकरींना खडसावलं; राष्ट्रवादी काँग्रेसमध्ये चाललंय काय?

फेक नरेटिव्ह कंपनीच्या डायरेक्ट सुप्रिया सुळे…
आमची महायुती मजबूत आहे आणि सरकार स्थापनेची काळजी करू नका..जेवढे निवडून आलेत तेवढे व्यवस्थित सांभाळा..जनतेने तुम्हाला का नाकारले आहे यावर चिंतन करा.
कारण सध्या तुमच अस झालय "सुंभ जळाला तरी पीळ काही जात नाही."@mahancpspeaks |…

— Rupali Chakankar (@ChakankarSpeaks) November 27, 2024

रुपाली चाकणकर काय म्हणाल्या?

“फेक नरेटिव्ह कंपनीच्या डायरेक्टर सुप्रिया सुळे, आमची महायुती मजबूत आहे आणि सरकार स्थापनेची काळजी तुम्ही करू नका. जेवढे निवडून आलेत तेवढे व्यवस्थित सांभाळा. जनतेने तुम्हाला का नाकारले? यावर चिंतन करा. कारण सध्या तुमच असं झालंय सुंभ जळाला तरी पीळ काही जात नाही”, असं म्हणत रुपाली चाकणकर यांनी खासदार सुप्रिया सुळे यांच्यावर खोचक टीका केली आहे.