“…तर त्यांना ठोकणार,” पत्रकार परिषदेत संभाजीराजे छत्रपतींचे विधान, म्हणाले…

हेही वाचा >>> राज्यपाल भगतसिंह कोश्यारींचा राजीनामा मंजुरीवर उदयनराजेंची पहिली प्रतिक्रिया, म्हणाले…

चुकणार त्यांना ठोकणार, राज्यपाल हे…

“स्वराज्य संघटनेच्या माध्यमातून आमची वेगळी ताकद निर्माण झालेली आहे. अशी परत वाच्यता झाली तर स्वराज्य मागेपुढे पाहणार नाही. जे चुकणार त्यांना ठोकणार. राज्यपाल हे घटनात्मक पद आहे, म्हणून काही बंधनं येतात. स्वराज्य ही एक सामाजिक संघटना आहे. मागील पाच ते सहा महिन्यांत माझे महाराष्ट्रभर दौरे झालेले आहेत. महाराष्ट्रातील लोकांच्या खूप अपेक्षा आहेत,” असे संभाजी छत्रपती म्हणाले.

हेही वाचा >>> कोश्यारींचा राजीनामा मंजूर होताच संभाजीराजेंचा नव्या राज्यपालांना मोलाचा सल्ला, म्हणाले “ज्या चुका…”

त्यांना हे उशिराने सुचलेले शहाणपण

“कोश्यारी यांनी हा निर्णय अगोदरच द्यायला हवा होता. त्यांनी महात्मा फुले, सावित्रीबाई फुले यांच्याविषयी वदग्रस्त वक्तव्य केले होते. त्यानंतर शिवाजी महाराजांविषयीही त्यांनी वादग्रस्त विधान केले होते. त्यांनी महाराष्ट्राच्या सुसंस्कृतपणाची घडी मोडून काढली. पण त्यांना हे उशिराने सुचलेले शहाणपण आहे. जे नवीन राज्यपाल आले आहेत, त्यांना आमच्या मनापासून शुभेच्छा आहे,” असे संभाजीराजे छत्रपती म्हणाले.

हेही वाचा >>> भगतसिंह कोश्यारींना पदमूक्त केल्यानंतर अमोल मिटकरीचं ट्विट चर्चेत; म्हणाले, “इज्जत वाचविण्याचा प्रयत्न”

स्वराज्य संघटना लवकरच राजकारणात उतरणार

“स्वराज्य संघटनेने राजकारणात यावं, असं लोकांना वाटतं. २००७ सालापासून आम्ही आंदोलन करत आलो आहोत. आमच्याविरोधात गुन्हे दाखल झाले. हे कुठपर्यंत चालणार. सामान्य माणसाने राजकारणात यायला हवे. सामान्य माणसानेही आमदार, खासदार व्हायला हवे. सामान्यांना ताकद मिळायला हवी. स्वराज्य संघटना राजकारणात येणार आहे. २०२४ साली स्वराज्य संघटना निवडणूक लढवणार,” असे म्हणत त्यांनी स्वराज्य संघटना लवकरच राजकारणात उतरणार असल्याचे संकेतही त्यांनी दिले.