सांगली : पाणी पातळी वाढल्याने पूरबाधित क्षेत्रात स्थलांतराचे आवाहन

आयुक्त शुभम गुप्ता यांनी सांगितले, महापालिका प्रशासनाने संभाव्य पूर परिस्थिती हाताळण्यासाठी सर्व तयारी पूर्ण केली असून अधिकारी, कर्मचारी यांचे प्रशिक्षण आणि आवश्यक त्या सोयी सुविधांसह सतर्क आहेत. एन.डी.आर.एफ पथक आणि महापालिका अग्निशमन दल, अधिकारी, कर्मचारी तसेच जिल्हा प्रशासन यांच्या समन्वयाने पूर परिस्थिती हाताळण्यासाठी आवश्यक ते नियोजन करण्यात येत आहे.

हेही वाचा – सोलापूर : पुणे जिल्ह्यातील पुढील महिनाभराच्या पावसावर उजनीचे भवितव्य

हेही वाचा – सांगली : कोयनेतून विसर्ग नसताना कृष्णेच्या पाणी पातळीत वाढ

अतिरिक्त आयुक्त रविकांत अडसूळ यांनी आज बाधित क्षेत्रात जाऊन नागरिकांना सतर्कतेचे आवाहन करत सुरक्षितस्थळी स्थलांतरित होण्याचे आवाहन केले. तसेच महापालिकेच्यावतीने निवारा केंद्र सुरू करण्यात येत असून अत्यावश्यक व महत्वपूर्ण साहित्य घेऊन तयारीत राहण्याचे आवाहन केले.