​सिंधुदुर्ग जिल्ह्यातील शाळांना उद्या बुधवारी अतिवृष्टीमुळे सुट्टी…

​जिल्ह्यात सध्या अतिवृष्टीची परिस्थिती असून, अनेक नद्या, नाले आणि धरणे धोका पातळीच्या जवळ वाहत आहेत. यामुळे अनेक ठिकाणी पूरसदृश स्थिती निर्माण झाली असून वाहतूकही ठप्प झाली होती. विद्यार्थ्यांची सुरक्षितता लक्षात घेऊन हा निर्णय घेण्यात आला आहे.

​दरम्यान, आज सकाळी जिल्हाधिकाऱ्यांनी सुट्टी जाहीर केली होती. मात्र, काही शाळा सुरू झाल्या असल्यामुळे पूरग्रस्त भागातील विद्यार्थ्यांना दुपारच्या सत्रात लवकर सुट्टी देण्यात आली. तसेच, उद्या संपूर्ण दिवस शाळा, महाविद्यालये आणि अंगणवाड्या बंद राहणार आहेत, असे जिल्हाधिकारी यांनी काढलेल्या पत्रकातून स्पष्ट केले आहे.