Sharad Pawar : “मी घरी बसणार नाही”, विधानसभेच्या पराभवानंतर शरद पवारांनी सांगितली पुढची रणनीती!

युगेंद्र पवारांचा पराभव मान्य?

लोकसभेप्रमाणे विधानसभेतही बारामती विधानसभा मतदारसंघ महाराष्ट्राच्या राजकारणात केंद्रस्थानी होता. या जागेवरून अजित पवार विरुद्ध युगेंद्र पवार अशी काका-पुतण्यांची लढत होती. गेल्या २० वर्षांपासून अजित पवार येथून आमदार आहेत. तर, युगेंद्र पवार या विधानसभा निवडणुकीच्या निमित्ताने पहिल्यांदाच राजकारणात सहभागी झाले. परंतु, त्यांच्यामागे शरद पवारांचं मोठं समर्थन होतं. त्यामुळे बारामतीची जनता अजित पवारांना साथ देईल की शरद पवारांना समर्थन देईल, यावर पवार कुटुंबांची प्रतिष्ठा पणाला लागली होती. दरम्यान, २३ नोव्हेंबर रोजी विधानसभेचा निकाल जाहीर झाला आणि अजित पवार जवळपास एक लाख मताधिक्क्याने जिंकले. यावर शरद पवारांना विचारलं असता ते म्हणाले की अजित पवार आणि युगेंद्र पवारांची तुलना होऊच शकत नाही.

हेही वाचा >> Sharad Pawar : विधानसभेच्या निकालानंतर राष्ट्रवादी कोणाची? शरद पवार म्हणाले, “अजित पवारांच्या जास्त जागा…”

u

अजित पवार आणि युगेंद्रची तुलना होऊ शकत नाही

D

शरद पवार म्हणाले की, “बारामतीमधून कोणालातरी उभं करणं गरजेचं होतं. कोणाला उभं केलं नसतं तर महाराष्ट्रात काय संदेश गेला असता? आम्हाला माहीत आहे की अजित पवारांची युगेंद्रशी तुलना होऊ शकत नाही. अजित पवारांनी येथे बरीच वर्षे काम केलं आहे. सत्तेतील साथ हे एका बाजूला आणि नवखा तरूण उमेदवार एका बाजूला, त्यामुळे याची तुलना होऊ शकत नाही.”

मी घरी बसणार नाही

शरद पवारांनी आतापर्यंत आयुष्यात अनेक राजकीय वादळे झेलली आहेत. त्यांच्या राजकीय कारकिर्दीत अनेक चढउतार आले. पण प्रत्येकवेळी त्यांनी त्यावर मात केली आहे. या अनेक अनुभवांविषयी शरद पवार त्यांच्या अनेकविध भाषणांतही सांगत असतात. त्यामुळे आता वयाच्या ८४ व्या वर्षी आलेल्या अपयशामुळे शरद पवार पुढे काय भूमिका घेतात याकडे सगळ्या राज्याचं लक्ष आहे. यावर ते म्हणाले, “निकाल काल लागला. आज मी कराडमध्ये आहे. हा निकाल लागल्यानंतर एखादा घरी बसला असता. पण मी काही घरी बसणार नाही. आमच्या तरुण पिढीला हा निकाल लागेल असं वाटलं नव्हतं. त्यांचा आत्मविश्वास वाढला पाहिजे. त्यांना पुन्हा उभं करणं, त्यांचा आत्मविश्वास वाढवणं, नव्या जोमाने कर्तृत्वान पिढी उभी करणं हा माझा कार्यक्रम राहील’, असा आशावाद त्यांनी व्यक्त केला.

ो

y