दीड कोटीच्या दागिन्यांची लूट; करणार्‍या दोघांना अटक

दिल्ली पोलीसांचे पथक या दोन तरूणांच्या मागावर सांगलीत आले. दिल्ली पोलीस पथकातील उपनिरीक्षक अमित चौधरी, शशिकांत यादव हे दोघे या तरूणांच्या शोधासाठी सांगलीत आले. सांगलीतील स्थानिक गुन्हे अन्वेषण विभागाचे पोलीस निरीक्षक सतीश शिंदे, उप निरीक्षक कुमार पाटील, संदीप पाटील, अतुल माने, पवन सदामते आदींच्या पथकाने दोघा चोरट्यांचा शोध घेत आरग (ता.मिरज) येथून शुभम वाघमारे व सोनी (ता.मिरज) येथून प्रशांत कदम या दोघांना ताब्यात घेउन चौकशी केली असता त्यांनी दिीतील सराफी दुकानातून पोलीस असल्याची बतावणी करत लूट केल्याची कबुली दिली.

दिल्लीतून लुट केल्यानंतर सांगली जिल्ह्यातील रहिवासी असलेल्या या दोन तरूणांनी तडक गाव गाठले होते. त्यांनी चोरीत लुटलेले सोने, चांदी व रोकड गावात लपवून ठेवले होते. पोलीसांनी चौकशीत लपविण्यात आलेली लूट हस्तगत केली. लुटीतील रोख २० लाख रूपयापैकी ११ लाख ९१ हजार रूपये पोलीसांना मिळाले. उर्वरित ८ लाख ९ हजार रूपये दोघांनी खर्च केल्याचे निष्पन्न झाले.

या दोघांनाही दिल्ली पोलीसांनी ताब्यात घेतले असून त्यांना न्यायालयाने प्रवास कोठडी सुनावली. दोघांनाही जप्त मुद्देमालासह दिल्लीला नेण्यात आले आहे.दरम्यान, कवठेमहांकाळमध्ये प्राप्तीकर अधिकारी असल्याची बतावणी करणार्‍या टोळीपैकी पाच जणांना आतापर्यंत अटक करण्यात आली असून यामध्ये एका तरूणींचा समावेश आहे. या टोळीनेही डॉक्टरांच्या घरावर छापा टाकून सुमारे एक कोटी २० लाख रूपयांचा ऐवज लंपास केला होता. यामध्ये एक किलो सोन्याची बिस्किटे व रोकडचा समावेश होता. या प्रकरणी दिशा भोसले या तरूणीसह पार्थ मोहिते, साई मोहिते, अक्षय लोहार व शकील पटेल या पाच जणांना अटक करण्यात आली असून आणखी दोघेजण फरार आहेत.