नांदेडमध्ये महिलेवर गोळीबार

हेही वाचा- जालना : दर्शनावरून परतणारे दोघे अपघातात ठार

शहरातील शक्तीनगर भागातील सविता बाबूराव गायकवाड ह्या सोमवारी रात्री बाफना पुलावरून ११.१५ वाजेच्या सुमारास आपल्या घराकडे परत निघाल्या होत्या. परभणी येथील आरोपी रहीम खान नूर खान, जाफर व अन्य एका अनोळखी व्यक्तीने त्यांना बाफना पुलावर गाठले व त्यांच्यावर गोळीबार केला. या गोळीबारात त्यांच्या हाताला गोळी लागून दुखापत झाली. 

हेही वाचा- विमानळावरील तपासणीत राज्यात आतापर्यंत १२ करोनाग्रस्त रुग्ण आढळले, जनुकीय क्रमनिर्धारण अहवालांची प्रतीक्षा

आरोपी व गायकवाड यांचे मागील काळापासून एका आयशर गाडीच्या खरेदी-विक्रीवरून वाद असून या वादातूनच ही घटना घडली असावी, असा संशय पोलिसांनी व्यक्त केला आहे. या प्रकरणी इतवारा पोलिसांनी सविता गायकवाड यांच्या तक्रारीवरून आरोपींविरुद्ध गुन्हा दाखल केला.