क्वारंटाइनमध्ये काय करायचं हे ज्याने त्याने आपापल्या आवडीनुसार ठरवलंच आहे. म्हणूनच काही सेलिब्रिटी चित्र काढताना, काही व्यायाम किंवा योगा करताना किंवा काही स्वयंपाक करताना दिसतात. हे सेलिब्रिटी क्वारंटाइन वेळेत काय करत आहेत, याचे सर्व अपडेट्स सोशल मीडियाद्वारे देत आहेत. पण यात असेही काही जण आहेत, ज्यांनी फक्त सोशल मीडियापुरता हा खटाटोप केला आहे. अभिनेत गश्मीर महाजनी याने फेसबुकवर हा गमतीशीर व्हिडीओ पोस्ट केला आहे. या व्हिडीओत गश्मीर लॉकडाउनच्या गेल्या २८ दिवसांत काय काय केलंय हे दाखवतोय. पण यात एक ट्विस्ट आहे. त्याने अशा पाच गोष्टी सांगितल्या आहेत, ज्या त्याने खऱ्या आयुष्यात केल्याच नाहीत. 'खरा मी, खोटा मी', असं कॅप्शन देत फेसबुकवर व्हिडीओ टाकताना काय करतो आणि खऱ्या आयुष्यात काय वेगळं असतं हे गश्मीरने या व्हिडीओद्वारे दाखवलं आहे. या व्हिडीओला चाहत्यांकडून भरभरून लाइक्स मिळत आहेत. क्वारंटाइनमध्ये माधुरीची लेकासोबत डान्स जुगलबंदी; शेवटपर्यंत पाहा व्हिडीओ सोशल मीडियावर वाहवा मिळवण्यासाठी अनेकजण विविध शक्कल लढवताना दिसतात. त्यांच्यासाठी गश्मीरने हा गमतीशीर व्हिडीओ शूट करून पोस्ट केला आहे.
