अनिल कपूरचा मुलगा हर्षवर्धन कपूरनं 'मिर्जिया' चित्रपटातून बॉलिवूडमध्ये पदार्पण केलं. हर्षवर्धनचा हा चित्रपटत रुपेरी पडद्यावर चांगलाच आदळला. सोनम कपूर एवढं वलय बॉलिवूडमध्ये हर्षवर्धनला लाभलं नाही पण, त्याच्या फटकळ स्वभावामुळे मात्र सध्या तो चर्चेत आला आहे. एका कार्यक्रमात काही छायाचित्रकारांनी हर्षवर्धनला हर्ष या नावानं हाक मारली त्यामुळे तो काहीसा चिडला होता. हर्षवर्धनऐवजी अनेकांनी हर्ष हाक मारली यावर त्यानं आक्षेप घेतला. तसेच हर्ष या नावानं हाक मारण्याऐवजी हर्षवर्धन नावानं हाक मारवी अशी सूचना त्यानं जमलेल्या छायाचित्रकरांना केली. त्याच्या या फटकळ वागण्यामुळे अनेक छायाचित्र नाराज झाले आहेत. काही हिंदी संकेतस्थळांच्या माहितीनुसार त्याच्या नखऱ्यांमुळे एका फॅशन शोमधूनही त्याला हटवण्यात आलं होतं. एका फॅशन शोमध्ये सहभागी होण्यासाठी हर्षवर्धनला विचारण्यात आलं होतं पण त्यानं त्यावेळी फॅशन शोमध्ये सहभागी होण्यासाठी वेगवेगळ्या मागण्या केल्या होत्या. त्याच्या मागण्या पूर्ण करता करता आयोजकांच्या अक्षरश: नाकी नऊ आले होते. अखेर या शोमधून ऐनवेळी हर्षवर्धनला हटवण्यात आलं होतं.
