07 March 2021

News Flash

मनीष पॉल घेतोय अरुण गोविल यांच्याकडून धनुष्यबाण चालविण्याचे धडे!

‘सा रे ग म प लिटिल चॅम्प्स’ शोमध्ये हे पाहायला मिळणार आहे.

‘सा रे ग म प लिटील चॅम्प्स’ हा कार्यक्रम १८ जुलै पासून पुन्हा प्रेक्षकांच्या भेटीला आला आहे. या शोमध्ये सहभागी होणारी लहान मुले त्यांच्या गाण्याने अनेकांच्या मनावर जादू करताना दिसतात. येत्या भागात रामायण या मालिकेतील कलाकार हजेरी लावणार आहेत. दरम्यान अरुण गोविल यांनी शोचा सूत्रसंचालक मनीष पॉलला धनुष्यबाण कसे चालवायचे हे शिकवले आहे.

दूरदर्शन वाहिनीवरील ‘रामायण’ या अतिशय लोकप्रिय मालिकेतील अरुण गोविल (राम), दीपिका चिखलिया (सीता) आणि सुनील लहरी (लक्ष्मण) हे प्रमुख कलाकार तसेच ‘महाभारत’ मालिकेतील दुर्योधनाची भूमिका साकारणारे अभिनेता पुनीत इस्सर या चार कलाकारांनी ‘सा रे ग म प लिटील चॅम्प्स’ या शोमध्ये हजेरी लावली. दरम्यान शोचा सूत्रसंचालक मनिष पॉलने धनुष्यबाण चालवण्याची इच्छा व्यक्त केली होती.

‘रामायण’ मालिका प्रसारित होऊन तब्बल 33 वर्षांनंतरही आपण अचूक धनुष्यबाण चालवू शकतो, हे अरुण गोविल यांनी शोमध्ये दाखवून दिले आहे. त्यांचे हे कौशल्य पाहून परीक्षक आणि ज्यूरी सदस्य थक्कच झाले. तसेच मनिष पॉलला अतिशय पध्दतशीरपणे नेम धरून बाण कसा सोडायचा हे त्यांनी शिकविले आहे.

आता राम, लक्ष्मण आणि सीता कार्यक्रमात उपस्थित असल्याने प्रेक्षकांना काही रंजक किस्से निश्चितच ऐकायला मिळतील आणि बालस्पर्धकांकडून काही अप्रतिम गाणी ऐकायला मिळतील. रनिता बॅनर्जीने ‘ऐसा लगता है’ हे गाणे अतिशय तन्मयतेने सादर केले, तर झैद अलीने ‘कुन फाया कुन’ हे गीत अप्रतिमपणे सादर करून प्रेक्षकांची मने जिंकली. एकंदरीतच ‘सा रे ग म प लिटिल चॅम्प्स’च्या या भागात प्रेक्षकांना अनेक मधुर गीते आणि जुन्या आठवणी ऐकायला मिळतील.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 23, 2020 6:43 pm

Web Title: manish paul learing how to hit target by bow and arrow avb 95
Next Stories
1 हसत नाही तर रडत केली राष्ट्राध्यक्ष पदाच्या निवडणूक प्रचाराची सुरुवात
2 ‘ती फेक न्यूज’; निगेटिव्ह करोना रिपोर्टबाबत अमिताभ बच्चन यांचं ट्विट
3 ‘बाहुबली पाहिल्यावर प्रभासविषयी…’, भाग्यश्रीचा खुलासा
Just Now!
X