20 October 2020

News Flash

“या देशात अल्पसंख्यांक असणं गुन्हा आहे”; उमर खलिदच्या अटकेवर अभिनेत्याने व्यक्त केला संताप

दिल्ली हिंसाचार : JNU चा माजी विद्यार्थी नेता उमर खालिदला अटक

Actor Mohammad Zeeshan Ayub,

फेब्रुवारी महिन्यात दिल्लीत झालेल्या दंगलप्रकरणी दिल्ली पोलिसांच्या स्पेशल सेलने JNU चा माजी विद्यार्थी नेता उमर खालिद याला अटक केली आहे. बेकायदा कृत्यरोधी कायद्यांतर्गत (UAPA) उमर खालिदला अटक करण्यात आली. पोलिसांच्या या कारवाईवर अभिनेता जिशान अय्यूब याने नाराजी व्यक्त केली आहे. “या देशात अल्पसंख्यांक असणं गुन्हा आहे” असं म्हणत त्याने उमर खालिदच्या अटकेचा विरोध केला आहे.

अवश्य पाहा – कंगना हिमाचलला परतली, जाता जाता पुन्हा मुंबईबद्दल बोलली

जिशान अय्यूब सोशल मीडियावर प्रचंड सक्रिय असतो. समाजात घडणाऱ्या विविध घडामोडिंवर तो राखठोकपणे आपली मतं मांडतो. यावेळी त्याने उमर खालिदच्या अटकेवरुन संताप व्यक्त केला आहे. “होय, या देशात अल्पसंख्यांक असणं एक गुन्हा आहे. खरं बोलणं हा त्याही पेक्षा मोठा गुन्हा आहे. शिवाय संविधान आणि अहिंसेबाबत बोललं तर तुम्हाला फाशी दिली जाऊ शकते. उद्या तुमच्याही घरातील व्यक्तीला पकडतील. राजकिय ताकतीचा हा गैरवापर आहे.” अशा आशयाचं ट्विट जिशानने केलं आहे. या ट्विटद्वारे त्याने उमर खलीदला पाठिंबा दिला आहे.

अवश्य पाहा – “अंकितावर आरोप करुन प्रसिद्धीचा प्रयत्न सुरु”; शिबानीच्या टीकेवर अपर्णाचं प्रत्युत्तर

इंडियन एक्स्प्रेसला सुत्रांनी दिलेल्या माहितीनुसार, शनिवारी उमर खालिदला चौकशीसाठी बोलवले होते. रविवारी लोदी कॉलनीमध्ये त्याला विशेष सेल कार्यालयात तपासासाठी सहभागी होण्यास सांगितलं. त्यानंतर रविवारी तब्बल ११ तासांच्या चौकशीनंतर उमर खालिदला दिल्ली पोलिसांनी अटक केली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 15, 2020 1:27 pm

Web Title: mohammed zeeshan ayyub umar khalid arrested delhi riots mppg 94
Next Stories
1 प्रिती झिंटाला क्वारंटाइनमध्ये मिळतंय असं जेवण; व्हिडीओ होतोय व्हायरल…
2 कंगना म्हणते, “मला कधी पंतप्रधानांना भेटण्याची संधी मिळाली तर…”
3 “उद्धव ठाकरेंऐवजी फडणवीस मुख्यमंत्री असते तर…”; कंगनाचे आणखी एक ट्विट
Just Now!
X