Actress Tejaswi Prakash is all set to start her new inning from 4 November 2022 rnv 99 | मराठी प्रेक्षकांसाठी मनोरंजनाची मेजवानी, तेजस्वी प्रकाशचा पहिला चित्रपट 'या' तारखेला होणार प्रदर्शित | Loksatta

मराठी प्रेक्षकांसाठी मनोरंजनाची मेजवानी, तेजस्वी प्रकाशचा पहिला चित्रपट ‘या’ तारखेला होणार प्रदर्शित

आता लवकरच तेजस्वी ही मराठी चित्रपटसृष्टीत पदार्पण करणार आहे.

मराठी प्रेक्षकांसाठी मनोरंजनाची मेजवानी, तेजस्वी प्रकाशचा पहिला चित्रपट ‘या’ तारखेला होणार प्रदर्शित
तेजस्वी प्रकाश मराठी चित्रपट

टीव्ही अभिनेत्री तेजस्वी प्रकाश गेल्या अनेक दिवसांपासून काही ना काही कारणाने चर्चेत असते. मग त्या चर्चा तिच्या कामाबद्दल असो किंवा वैयक्तिक आयुष्याबद्दल. ती नेहमीच नेटकऱ्यांचं लक्ष तिच्याकडे वेधून घेत असते. अलीकडेच, तेजस्वी आणि तिचा प्रियकर करण कुंद्रा यांचे एक गाणे एका अल्बममार्फत रिलीज झाले, ज्याला चाहत्यांकडून खूप चांगला प्रतिसाद मिळाला. त्यानंतर आता तेजस्वीशी संबंधित मोठी बातमी समोर आली आहे. गेल्या काही महिन्यांपासून छोट्या पडद्यावरुन आपल्या भेटीला येणारी तेजस्वी लवकरच मोठ्या पडद्यावर झळकणार आहे. विशेष म्हणजे ती एका मराठी चित्रपटातून प्रेक्षकांच्या भेटीला येत आहे.

तेजस्वी प्रकाश ही हिंदी सिनेसृष्टीतील लोकप्रिय अभिनेत्री म्हणून ओळखली जाते. त्यासोबतच तेजस्वी ही सोशल मीडियावर कायमच सक्रीय असते. ती विविध फोटो आणि व्हिडीओ शेअर करत चाहत्यांच्या संपर्कात राहण्याचा प्रयत्न करत असते. आता लवकरच तेजस्वी ही मराठी चित्रपटसृष्टीत पदार्पण करणार आहे. तेजस्वीने स्वतः ही माहिती दिली आहे.

लग्नानंतर एका आठवड्यातच तेजस्वीच्या आईला सोडून दुबईला निघून गेले होते वडील

नुकतचं तिने तिच्या इन्स्टाग्राम अकाऊंटवर या चित्रपटाचं पहिलं पोस्टर शेअर केलं आहे. तेजस्वी लवकरच ‘मन कस्तुरी रे’ या मराठी चित्रपटात झळकणार आहे. या पोस्टरचा फर्स्ट लूक नुकताच प्रदर्शित झाला आहे. याला कॅप्शन देताना ती म्हणाली, “मन सांगे हे मला वेड लागे या जीवा सवरु नको रे मला….. नव्या स्पंदनांची नवी लव्हस्टोरी मन कस्तुरी रे, ४ नोव्हेंबरपासून आपल्या जवळच्या चित्रपटगृहात !” या पोस्टरमध्ये अभिनेता अभिनय बेर्डे तेजस्वीसोबत दिसत आहे.

बिग बॉस १५ फेम अभिनेत्री मराठी चित्रपटात, लक्ष्याच्या मुलासोबत करणार ऑनस्क्रीन रोमान्स

या पोस्टरमध्ये दोघेही एकत्र स्कूटरवर जाताना दिसत आहेत. तर तेजस्वीच्या चेहऱ्यावर आनंद आणि उत्साह दिसत आहे. त्याचवेळी अभिनय घाबरून स्कूटरचा तोल सांभाळताना दिसत आहे. या चित्रपटात अभिनयसोबत तेजस्वी ही मुख्य भूमिकेत झळकणार आहे. या दोघांची केमिस्ट्री ही प्रेक्षकांसाठी एक प्रकारे मनोरंजनाची मेजवानी ठरणार असल्याचे पाहायला मिळत आहे.

दरम्यान ‘मन कस्तुरी रे’ हा चित्रपट येत्या ४ नोव्हेंबर २०२२ रोजी चित्रपटगृहात प्रदर्शित होत आहे. तेजस्वी गेली काही वर्षे ‘संस्कार -धरोहर अपनों की’, ‘स्वरांगिनी जोडे रिश्तों के सूर’, ‘पहरेदार पिया की’, ‘सिलसिला बदलते रिश्तों का’ आणि ‘बिग बॉस १५’ मधून प्रेक्षकांची पसंती मिळवली आहे. त्यानंतर आता तेजस्वी ही मराठी चित्रपटातून झळकणार आहे.

मराठीतील सर्व मनोरंजन ( Manoranjan ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
Video : “…कारण मी अनिल कपूरची मुलगी आहे” म्हणत सोनमने उडवली अर्जुनची खिल्ली

संबंधित बातम्या

“तुम्ही जन्मत:च हिंस्र विकृत आहात की…” सुमीत राघवनला नेटकऱ्याचा प्रश्न; अभिनेत्याच्या आरे कारशेडवरील ‘त्या’ वादग्रस्त ट्वीटनंतर रंगले ट्विटर वॉर
‘कांतारा’ची तुलना ‘तुंबाड’शी करणाऱ्यांना दिग्दर्शक आनंद गांधी यांनी फटकारलं; ट्वीट करत म्हणाले…
“मी खरा आहे कारण…” मानसी नाईकच्या नवऱ्याची ‘ती’ पोस्ट चर्चेत
नोरा फतेहीला डान्सरचा चुकीच्या पद्धतीने स्पर्श; व्हिडीओ व्हायरल
“मला गुप्तांगाचा फोटो…” ‘मिस मार्वेल’ फेम अभिनेत्यावर महिलेने केले लैंगिक शोषणाचे आरोप

व्हिडिओ

ताज्या बातम्या
तीन लग्नं, घटस्फोट अन्… वैवाहिक आयुष्यातील अपयशानंतर अशी झालेली शाहिदच्या आईची अवस्था
शिंदे- फडणवीस सरकारला मोठा धक्का, महाविकास आघाडी सरकारच्या विकासकामे रद्दच्या आदेशाला उच्च न्यायालयाची स्थगिती
IND vs BAN: न्यूझीलंडहून परतणारे टीम इंडियाचे खेळाडू खराब व्यवस्थेचे बळी; दीपक चहरने केली तक्रार, जाणून घ्या प्रकरण
‘…यामुळेच सातत्याने अशा घटना घडत आहेत’; वंदे भारत एक्स्प्रेसच्या अपघातांवरून सचिन सावंतांची भाजपावर टीका
‘खात्यात पैसे का नाहीत?‘ म्हणत बाईने घातला बॅंकेत राडा; दगडाने फोडल्या ATM च्या काचा अन्…