बॉलिवूड अभिनेता अक्षय कुमार आणि कतरिना कैफ यांचा बहुचर्चित, बहुप्रतिक्षित ‘सूर्यवंशी’ हा चित्रपट उद्या ५ नोव्हेंबरपासून प्रेक्षकांच्या भेटीला येणार आहे. गेल्या काही दिवसांपासून करोनामुळे या चित्रपटाच्या प्रदर्शनाची तारीख पुढे ढकलण्यात आली होती. पण आता अखेर ५ नोव्हेंबरला हा चित्रपट चित्रपटगृहांमध्ये प्रदर्शित होणार आहे. भारतासह अनेक देशातही हा चित्रपट प्रदर्शित केला जाणार आहे. जवळपास ५ हजार २०० स्क्रीन्सवर हा चित्रपट प्रदर्शित केला जाणार आहे. मात्र चित्रपटगृहात प्रदर्शित होण्यापूर्वी या चित्रपटाच्या कमाईला सुरुवात झाली आहे.
अक्षय कुमारचा ‘सूर्यवंशी’ चित्रपट प्रदर्शित होण्यापूर्वी या चित्रपटाने २०० कोटी रुपयांचा गल्ला जमवला आहे. ‘सूर्यवंशी’ चित्रपट प्रदर्शित होण्यापूर्वी त्यांच्या राईट्सद्वारे त्यांनी २०० कोटी रुपयांची कमाई केली आहे. या चित्रपटाचे ओटीटी राईट्स जवळपास १४० कोटी रुपयांना विकण्यात आले आहेत. तर म्यूझिकच्या राईट्ससाठी जवळपास ६० कोटी रुपये मिळाले आहेत.
या चित्रपटासाठी एकूण जवळपास २२५ कोटी इतका खर्च आल्याचे बोललं जात आहे. या चित्रपटाची निर्मिती २०० कोटी रुपयात करण्यात आली असून त्याच्या प्रमोशनसाठी २५ कोटी रुपये खर्च झाले आहेत. त्यामुळे आता या चित्रपटाची चित्रपटगृहांमधील कमाई ही निर्मात्यांसाठी फायदेशीर ठरणार आहे. बॉक्स ऑफिसवर हा चित्रपट दणक्यात कमाई करेल, असा विश्वास अनेक तज्ज्ञांनी व्यक्त केला आहे. हा चित्रपट दिवाळीच्या मुहूर्तावर प्रदर्शित होत असल्याने अनेक प्रेक्षकही तो पाहण्यास उत्सुक आहेत.
५ नोव्हेंबरला चित्रपटगृहात प्रदर्शित होणार
‘सूर्यवंशी’ हा बहुप्रतिक्षित चित्रपट आहे. गेल्या अनेक दिवसांपासून प्रेक्षक हा चित्रपट प्रदर्शित होण्याची वाट बघत आहे. मात्र कोरोनामुळे या चित्रपटाची प्रदर्शनाची तारीख पुढे ढकलण्यात येत होती. अखेर येत्या ५ नोव्हेंबरला हा चित्रपट चित्रपटगृहात प्रदर्शित केला जाणार आहे. या चित्रपटामध्ये अक्षय कुमारसोबत अजय देवगण आणि रणवीर सिंग मुख्य भूमिकेत दिसणार आहेत. त्याचसोबत बॉलिवूड अभिनेत्री कतरिना कैफ देखील मुख्य भूमिकेत दिसणार आहे.
