Pushpa 2 चा बॉक्स ऑफिसवर जलवा कायम! जगभरातील कमाई १४०० कोटींहून जास्त, अनेक चित्रपटांचे मोडले रेकॉर्ड्स

५ डिसेंबरला प्रदर्शित झालेल्या या चित्रपटाने बॉक्स ऑफिसवर जबरदस्त कलेक्शन केले आहे. ‘पुष्पा 2’ यंदाचा सर्वाधिक कमाई करणारा भारतीय चित्रपट ठरला आहे. ‘पुष्पा 2’ इतर भाषांपेक्षा हिंदीत जास्त कमाई करत आहे. तेलुगूपेक्षाही सिनेमाची हिंदीतील कमाई अधिक आहे. सोमवारी, चित्रपटाने भारतात २७.७५ कोटी रुपयांची कमाई केली. यापैकी हिंदी भाषेतील कमाई २१ कोटी रुपये आहे. तर, तेलुगूमध्ये ५.४५ आणि तमिळमध्ये एक कोटी रुपये कमावले.

हेही वाचा – मुकेश खन्ना यांचा शत्रुघ्न सिन्हांच्या संस्कारावर प्रश्न; भडकलेली सोनाक्षी सिन्हा म्हणाली, “यापुढे काही बोलाल…”

u

सॅकनिल्कच्या वृत्तानुसार, पुष्पा 2 चे भारतातील १२ दिवसांचे एकूण कलेक्शन ९२९.९५ कोटी रुपये आहे. यापैकी हिंदी भाषेत चित्रपटाने ५७३.१ कोटी रुपयांची कमाई केली, तर तेलुगू भाषेत १२ दिवसांत २८७.०७ कोटी रुपयांचे कलेक्शन केले.

हेही वाचा – दिसण्याबद्दल विनोद करणाऱ्या कपिल शर्माला ॲटली कुमारने दिलं स्पष्ट उत्तर; म्हणाला, “मी कसा दिसतो…”

१२ दिवसांत ‘पुष्पा 2’ ने आरआरआरच्या (१२३० कोटी रुपये) आणि यशच्या KGF: चॅप्टर 2 (१२१५ कोटी रुपये) कलेक्शनला मागे टाकले आहे. सुकुमार दिग्दर्शित हा चित्रपट ब्लॉकबस्टर ठरला आहे. तो एसएस राजामौलींच्या बाहुबली 2चा रेकॉर्ड मोडण्याची शक्यता आहे. या चित्रपटाने जगभरात १७९० कोटी रुपये कमावले होते. भारतातील आतापर्यंतचा सर्वाधिक कमाई करणारा चित्रपट ‘दंगल’ आहे. आमिर खानच्या सिनेमाने जगभरात २०७० कोटी रुपये कमावले होते. आता अल्लू अर्जुनचा सिनेमा ‘बाहुबली 2’ व ‘दंगल’ चे रेकॉर्ड मोडतो का, ते पाहणं महत्त्वाचं ठरेल.

हेही वाचा – एसीमुळे बोकड शिंकलं, त्याच्या छातीला बाम लावला अन्…; नाना पाटेकरांनी सांगितला किस्सा, म्हणाले, “पुण्यात येऊन…”

सुकुमार दिग्दर्शित ‘पुष्पा 2’ चित्रपटाची निर्मिती मैथ्री मूव्ही मेकर्सने केली आहे. अल्लू अर्जुन आणि रश्मिका मंदानासह मल्याळम अभिनेता फहाद फासिल या चित्रपटात महत्त्वाच्या भूमिकेत आहे. ‘पुष्पा 2’ हा अल्लू अर्जुनच्या २०२१ मध्ये रिलीज झालेल्या ‘पुष्पा: द राइज’चा सिक्वेल आहे. या चित्रपटासाठी अल्लू अर्जुनला राष्ट्रीय पुरस्कारही मिळाला होता.