‘पुष्पा’च्या क्लायमॅक्समध्ये होता अल्लू अर्जुनचा न्यूड सीन, पण…

दिग्दर्शक सुकुमार यांनी सांगितलं की चित्रपटाच्या क्लायमॅक्समध्ये त्यांना अल्लू अर्जुन आणि फहाद फासिल यांना एकत्र दाखवायचं होतं. ते म्हणाले, ‘क्लायमॅक्ससाठी मी सुरुवातीला अल्लू अर्जुन आणि फहादला एकत्र दाखवण्याचा विचार केला होता. पण नंतर प्रेक्षकांचा विचार करून वेगळा ट्वीस्ट आणला. याचा ओरिजिनल शॉट वेगळाच होता. अल्लू अर्जुन आणि फहाद फासिल हे या सीनमध्ये न्यूड दाखवण्यात येणार होते. पण हे सर्व तेलुगू प्रेक्षकांना आवडलं नसतं. त्यामुळे आम्ही हा सीन बदलला. पण या व्यतिरिक्त असे अनेक सीन आहेत ज्यामुळे हा चित्रपट खराखुरा वाटतो.’

दरम्यान या चित्रपटात रश्मिका मंदाना आणि अल्लू अर्जुन यांचा एक इंटीमेट सीन शूट केला होता. पण चित्रपटाच्या प्रदर्शनानंतर यावर बरीच टीका झाली. अनेक प्रेक्षकांनी चित्रपटातून हा सीन काढून टाकण्याची मागणी केल्यानंतर सीन हटवण्यात आला. हा सीन वगळता चित्रपटातील अॅक्शन, स्टंट आणि अल्लू अर्जुन आणि रश्मिकाचा अभिनय या सर्वच गोष्टींनी प्रेक्षकांची मनं जिंकली आहे.

‘पुष्पा: द राइज’ हा या चित्रपटाचा पहिला भाग आहे. त्यानंतर लवकरच या चित्रपटाचा दुसरा भाग ‘पुष्पा: द रुल’ देखील प्रेक्षकांच्या भेटीला येईल अशी घोषणा दिग्दर्शक सुकुमार यांनी केली आहे. यामध्ये अनेक रॉ सीन असणार आहेत असंही त्यांनी सांगितलं. या चित्रपटाची कथा चंदन तस्करांच्या जीवनावर आधारित आहे. ज्यांना पकडण्यासाठी पोलिस शक्य ते सर्व प्रयत्न करत असतात.