Newton movie entry in Oscars : मराठमोळ्या दिग्दर्शकाचा ‘न्यूटन’ चित्रपट ‘ऑस्कर’च्या शर्यतीत

वाचा : सिद्धार्थ मल्होत्रा साकारणार कारगिलमध्ये शहीद झालेल्या ‘या’ लष्करी अधिकाऱ्याची भूमिका?

‘फिल्म फेडरेशन ऑफ इंडिया’च्या निवड समितीने आज (शुक्रवारी) ऑस्करसाठी ‘न्यूटन’ची अधिकृत निवड झाल्याचे जाहीर केले. समितीने २६ चित्रपटांतून एकमताने ‘न्यूटन’च्या नावावर शिक्कामोर्तब केले, असे सी व्ही रेड्डी यांनी सांगितले.

Very happy to share this news that #NEWTON is India's official entry to the #OSCARS this year. Congratulations team.

— Rajkummar Rao (@RajkummarRao) September 22, 2017

अमित मसुरकरने ‘न्यूटन’ चित्रपटाचे दिग्दर्शन केले आहे. छत्तीसगडच्या नक्षलवादी परिसरात काम करणाऱ्या एका कर्मचाऱ्याची ही कहाणी असून, यात राजकीय परिस्थितीवर भाष्य करण्यात आले आहे. राजकुमारने यात न्यूटन कुमारची भूमिका साकारली आहे. आपल्या भूमिकेविषयी एका मुलाखतीत राजकुमार म्हणालेला की, ‘या चित्रपटात मी एका सामान्य नागरिकाचे प्रतिनिधित्व केले आहे. घनदाट जंगलामधील नक्षलवाद्यांची संघर्ष कथा प्रेक्षकांना अनुभवायला मिळेल. माझी भूमिका ही एका सामान्य नागरिकाची कहाणी सांगणारी आहे.’

वाचा : ‘मुगल-ए-आझम’ ते ‘पद्मावती’

शुक्रवारी ‘भूमी’, ‘न्यूटन’ आणि ‘हसिना पारकर : द क्वीन ऑफ मुंबई’ हे तीन चित्रपट प्रदर्शित झाले. प्रदर्शनाच्या दिवशीच न्यूटनची निवड झाल्याने राजकुमार रावने आनंद व्यक्त केला आहे. राजकुमार रावच्या ‘न्यूटन’ प्रदर्शनापूर्वीच चर्चेचा विषय ठरला होता. समीक्षकांनीही या चित्रपटाची भरभरून प्रशंसा केली आहे.