गुरूद्वाराप्रमाणे मस्जिदमध्येही बनवा करोना सेंटर्स; अभिनेता आदिल हुसैन यांचं आवाहन

शीख समाजाने घेतलेल्या पुढाकाराबद्दल त्यांच्यावर अनेक स्तरातून कौतुकाची थाप पडत आहे. शीख समाजाने घेतलेला पुढाकार पाहता ‘इंग्लिश विंग्लिश’, ‘जेड प्लस’, ‘गुड न्यूज’ आणि ‘परीक्षा’ या चित्रपटातून झळकलेले अभिनेता आदिल हुसैन यांनी सुद्धा आता मुस्लिम बांधवांना आवाहन केलंय.

अभिनेता आदिल हुसैन यांनी त्यांच्या ट्विटर अकाउंटवरून शेअर केलेलं ट्विट सध्या वेगाने व्हायरल होतंय. सोबतच त्यांच्या ट्विटवर कमेंट करत नेटकरी त्यांचं कौतुक करत आहेत. शीख बांधवांप्रमाणेच मुस्लिम बांधवांनी सुद्धा पुढे येऊन करोनाबाधितांसाठी मस्जिद खुले करून देण्याचं आवाहन अभिनेता आदिल हुसैन यांनी या ट्विटमधून केलंय. पुढे बोलताना अभिनेता आदिल हुसैन म्हणाले, “करोनाबाधितांसाठी मस्जिद खुले करून त्या ठिकाणी सर्वच समाजासाठी उपचार सुरू केले पाहीजेत.” करोनासारख्या महामारीच्या काळामध्ये लोकांना निस्वार्थ मदत करण्यासाठी पुढे आलेल्या शीख समाजाचे आदिल हुसैन यांनी कौतूक करत त्यांचे आभार देखील मानले आहेत.

All Mosques could be transformed into Covid Healthcare facilities, Equipped with Oxogen etc and help all from all communities! .. Like the Gurdwaras in so many places. I am so very Grateful to the Sikh community for showing, as they have always, what service to Humanity means!

— Adil hussain (@_AdilHussain) May 17, 2021

अभिनेता आदिल हुसैन हे बॉलिवूडमधील दिग्गज कलाकारांपैकी एक आहेत. चित्रपटातील अनोख्या धाटणीच्या अभिनयासाठी ते ओळखले जातात. अलीकडेच ते ‘परिक्षा’ या चित्रपटातून समोर आले होते.