“माझी प्रेग्नन्सी अनपेक्षित होती, त्यामुळे…”, आलिया भट्टचं गरोदरपणाबाबत मोठं वक्तव्य

आलियाने नुकत्याच ‘बॉम्बे टाइम्स’ला दिलेल्या एका मुलाखतीत तिच्या प्रेग्नन्सी काळातील अनुभवावर भाष्य केलं आहे. यावेळी तिची प्रेग्नन्सी ही अनपेक्षित असल्याचा खुलासाही तिने केला. आलिया म्हणाली, “प्रेग्नन्सीच्या सुरुवातीच्या काही दिवसांत मला थकवा जाणवायचा, मळमळ व्हायची. मी शूटिंगदरम्यान अनेकदा माझ्या व्हॅनिटी वॅनमध्ये जेवढं शक्य होईल तितका आराम करायचे. जानेवारी २०२२ मध्ये मी ‘हार्ट ऑफ स्टोन’ हा माझा पहिलाच हॉलिवूड चित्रपट साइन केला होता. त्यामुळे त्याचं शूटिंग पूर्ण करणं गरजेचं होतं. गरोदर असताना मी माझ्या पहिल्या अक्शन चित्रपटांचं शूटिंग केलं आहे”.

हेही वाचा>> “…म्हणून मी गरोदर असल्याचं सगळ्यांपासून लपवलं”, आलिया भट्टचा खुलासा

हेही वाचा>> Video: बिग बॉसने दिलेलं सरप्राइज पाहून राखी सावंत रडली, चाहते म्हणतात “हिच्या नादात प्रसादला…”

पुढे आलिया म्हणाली, “माझी प्रेग्नन्सी ही अनपेक्षित होती. त्यामुळे माझं शरीर मला काय सांगत आहे, याकडे मी लक्ष देत होते. काम महत्त्वाचं होतं, पण त्यावेळी माझं बाळ आणि माझं स्वास्थ याला मी प्राधान्य दिलं. परंतु, सुदैवाने गरोदरपणात शारीरिक त्रासामुळे माझं काम मागे पडलं नाही. पहिले १२ आठवडे गरोदरपणाबाबत कोणाला काही सांगायचं नसतं. त्यामुळे या काळात मला होणाऱ्या त्रासाबाबतही मी कोणालाच काही बोलले नाही”.

हेही वाचा>> तमन्ना भाटिया करतेय ‘डार्लिंग’ फेम विजय वर्माला डेट? किस करतानाचा ‘तो’ व्हिडीओ व्हायरल

आलिया व रणबीरने १४ एप्रिल २०२२ रोजी लग्नगाठ बांधत नव्या आयुष्याला सुरुवात केली. त्यानंतर काहीच महिन्यांत त्यांनी आई-बाबा होणार असल्याची गूडन्यूज चाहत्यांना दिली. २०२३च्या एप्रिल महिन्यात त्यांच्या लग्नाला एक वर्ष पूर्ण होत आहे.