बॉलिवूडमधील प्रसिद्ध कोरिओग्राफर-दिग्दर्शिका फराह खान तिच्या बिनधास्त स्वभावामुळे सर्वांचच लक्ष वेधून घेत असते. तिचा सेन्स ऑफ ह्युमर देखील नेहमीच चर्चेचा विषय ठरतो. बऱ्याच जाती मनोरंजन सृष्टीतील तिच्या मित्रमंडळींची गमतीत खिल्ली उडवताना दिसते. आता बॉलिवूडमधील एका प्रसिद्ध अभिनेत्रीने चार चौघात फराह खानची मस्करी केली आहे.
फराह खान नुकतीच तिचा भाऊ साजिद खानबरोबर मुंबई एअरपोर्टवर स्पॉट झाली. फराह तिचा भाऊ साजिद, अभिनेत्री हुमा कुरेशी, दिग्दर्शक मल्होत्रा यांच्याबरोबर हैदराबादला सानिया मिर्झाची शेवटची टेनिस मॅच बघायला रवाना झाली. प्रवासादरम्यानचा एक व्हिडीओ तिने सोशल मीडियावर पोस्ट केला आहे.
आणखी वाचा : “माझं लग्न अयशस्वी…”; फराह खानने दिल्या जुन्या आठवणींना उजाळा
या व्हिडीओमध्ये ही सगळी मंडळी एका बसमध्ये बसून विमानाकडे रवाना होताना दिसत आहेत. यावेळी त्यांच्यात भरपूर गप्पा गोष्टी सुरू होत्या. फराने त्या सर्वांचा एक व्हिडिओ बनवला. त्या व्हिडिओमध्ये सर्वजण या ट्रिपबद्दल आपापलं मत व्यक्त करताना दिसत आहेत. तर अखेरीस फराहच्या हातातून मोबाईल काढून हुमाने तिच्या हातात घेतला आणि तिला विचारलं, “पुन्हा एकदा तू तुझ्या ड्रेस बद्दल काय सांगू इच्छितेस? तू ही बेडशीट का घातली आहेस?” तर हो माझ्या या प्रश्नावर फराहचा चेहरा पडला. तिने तिच्या हटके शैलीत उत्तर देत हुमाकडून तिचा मोबाईल काढून घेतला.
आता त्यांचा हा व्हिडिओ खूप चर्चेत आला आहे. ह्या गमतीशीर व्हिडिओवर फराहचे आणि हुमाचे चाहते विविध प्रतिक्रिया देत त्यांची ही मजा-मस्ती आवडल्याचं सांगत आहेत.
