Adipurush Box Office Collection Day 7: वीकेंडचे तीन दिवस दमदार कमाई केल्यानंतर ‘आदिपुरुष’ चित्रपटाच्या कमाईला उतरती कळा लागली आहे. चित्रपटाच्या कमाईत सोमवारपासून सुरू असलेली घट अद्यापही कायम आहे. चित्रपटाच्या सातव्या दिवसाच्या कमाईचे आकडे समोर आले आहेत. त्यानुसार चित्रपट लवकरच थिएटर्समधून गाशा गुंडाळेल, असं दिसत आहे. सहाव्या दिवसापेक्षाही सातव्या दिवशी चित्रपटाच्या कमाईचे आकडे घटले आहेत. हेही वाचा - सहाव्या दिवशी ‘आदिपुरुष’चा गेम ओव्हर, कमाईत मोठी घट झाल्यानंतर निर्मात्यांनी ‘या’ ऑफरची केली घोषणा तब्बल ६०० कोटींचं बजेट असलेला हा चित्रपट सातव्या दिवशी बॉक्स ऑफिसवर जेमतेम कमाई करू शकला आहे. कमाईत सातत्याने होणारी घसरण पाहता चित्रपट वीकेंडला मुसंडी मारण्याची शक्यता दिसत नाही. सुरुवातीला नकारात्मक रिव्ह्यू आणि वादग्रस्त संवादामुळे चित्रपटाविरोधात प्रेक्षकांचा प्रचंड रोष पाहायला मिळाला. मात्र तरीही चित्रपटाने पहिल्या दिवशी जगभरात १४० कोटींचा व्यवसाय केला होता. आता सातव्या दिवशी चित्रपटाने फक्त ५.५० कोटींची कमाई केली. हेही वाचा – कोकणातील गावी पोहोचला भाऊ कदम, कौलारू घरातील लाकडी फळीवर लिहिलेली ‘ती’ दोन वाक्ये चर्चेत चित्रपटाच्या घटत्या कमाईमुळे निर्मात्यांनी २२ जून आणि २३ जून या दोन दिवसांसाठी थ्रीडी तिकिटांची किंमत कमी केली आहे. ‘आदिपुरुष’ची 3D तिकिटं फक्त १५० रुपयांमध्ये मिळतील, अशी घोषणा करण्यात आली. पण, २२ तारखेला तर त्याचाही फायदा झाल्याचं दिसत नाही. सहाव्या दिवशी साडेसात कोटींची कमाई करणारा चित्रपट सातव्या दिवशी साडेपाच कोटींचा गल्ला जमवू शकला. ‘महाराष्ट्राची हास्यजत्रा’चे दिग्दर्शक सचिन गोस्वामींनी दिली मुलांच्या कामांबद्दल माहिती, म्हणाले, “पार्थेशने दोन वर्षे…” चित्रपटाची एकूण कमाई आता २६० कोटी झाली आहे. पुढचे दोन दिवस वीकेंड आहे. तर, या दिवसांत चित्रपटाच्या कमाईत वाढ होईल की नाही ते पाहणं महत्त्वाचं ठरेल. दरम्यान, ओम राऊत दिग्दर्शित 'आदिपुरुष' या चित्रपटात प्रभास, क्रिती सेनॉन, सैफ अली खान व देवदत्त नागे यांच्या प्रमुख भूमिका आहेत. हा चित्रपट १६ जून रोजी प्रदर्शित झाला होता.
