नुपूर शिखरे व आयरा खान यांचं लग्न नोंदणी पद्धतीने झालं. कोणत्याही धार्मिक विधीशिवाय हे जोडपं लग्नबंधनात अडकलं. त्यांच्या लग्नातील फोटो व व्हिडीओ समोर आल्यानंतर नुपूरच्या कपड्यांनी लक्ष वेधून घेतलं. त्याने शॉर्ट्स व बनियन घालून लग्न केलं. त्याला त्या अवतारात पाहिल्यानंतर आयरा खानने दिलेली प्रतिक्रिया चर्चेत आहे.
नुपूर शिखरे व आयरा दोघेही बुधवारी (३ जानेवारी रोजी) रात्री लग्नबंधनात अडकले. त्यापूर्वी नुपूर घरातून आठ किलोमीटर धावत ताज लँड्स एंड या लग्नस्थळी पोहोचला. त्याने शॉर्ट्स व बनियन घातले होते. धावत पोहोचल्यावर त्याने मनसोक्त ढोल वाजवला आणि डान्स केला. तसाच तो आत गेला आणि त्याच कपड्यांवर त्याने नोंदणी पद्धतीने लग्न केलं.
लग्न झाल्यानंतर आयराने त्याला आंघोळकरून कपडे बदलण्यास सांगितलं. त्याचा व्हिडीओ व्हायरल होत आहे. व्हिडीओमध्ये आयराच्या हातात माइक दिसत आहे. रीना दत्ता, आमिर खान आणि आझाद मंचावर उपस्थित असताना आयरा म्हणते, ‘नूपूर आता आंघोळीला जाणार आहे.’ यानंतर आयरा हसत हसत नुपूरला गूडबाय म्हणते. तिचं बोलणं ऐकून सर्वजण हसू लागतात.
दरम्यान, आयरा व नुपूरच्या लग्नात मुकेश अंबानी, नीता अंबानी यांनी हजेरी लावली होती. याशिवाय बरेच पाहुणे उपस्थित होते. लग्नात नुपूरने घातलेल्या कपड्यांमुळे त्याला ट्रोलही करण्यात आलं. पण नंतर त्याने कपडे बदलले आणि शेरवानी घातली. निळ्या शेरवानीत तो छान दिसत होता. तर आयराने लग्नात पारंपारिक लूक केला होता.
