आलिया भट्ट दीपिका पदुकोणला प्रतिस्पर्धी मानत नाही, कारण…; तिनेच केला खुलासा

रॅपिड फायर सेगमेंट दरम्यान जेव्हा करणने करीनाला तू दीपिकाला तुझी प्रतिस्पर्धी मानतेस का? असं विचारलं तेव्हा ती चकित झाल्याचं पाहायला मिळालं. तसेच हा प्रश्न तिच्यासाठी आहे का ते तिने तपासलं. “मी? नाही. मला वाटतं की हा प्रश्न आलियाच्या रॅपिड फायरसाठी आहे, माझ्यासाठी नाही,” मग ती म्हणाली, “मला हा प्रश्न का विचारला जात आहे?” हे ऐकून करण आणि आलियाला आपले हसू आवरता आले नाही.

चित्रपटात सावत्र लेक साराच्या आईची भूमिका करशील का? करण जोहरच्या प्रश्नावर करीना कपूरने दिलं स्पष्ट उत्तर

या प्रश्नासाठी करीनाने आलियाकडे बोट दाखवले. त्यावर आलिया म्हणाली, “अजिबात नाही. तिची व माझी स्पर्धा का असेल? ती (दीपिका) माझी सिनिअर आहे. आमच्यात कोणतीही स्पर्धा नाही. ” दरम्यान, आलियाच्या रॅपिड फायर सेगमेंटमध्ये तिने दीपिकाच्या ऑन-स्क्रीन लूकचे कौतुक केले आणि म्हणाली, “डीपी (दीपिका)जेव्हा ती पडद्यावर येते तेव्हा तुम्ही तेव्हा तुम्ही तिच्याकडे पाहिल्याशिवाय राहूच शकत नाही.”

“देव सर्वोत्कृष्ट लेखक”! विराट कोहलीच्या ५० व्या शतकानंतर अनुष्का शर्माची पोस्ट; म्हणाली, “मला तुझं प्रेम…”

यावेळी करीनाने आलिया भट्टचं कौतुक केलं आणि मागच्या दशकातील ती सर्वोत्तम अभिनेत्री असल्याचं मत मांडलं. करीना व आलिया आता नातेवाईक आहेत. रणबीर कपूर हा करीनाचा चुलत भाऊ आहे. आलिया व रणबीरच्या लग्नात करीना कपूर खान कुटुंबाबरोबर पोहोचली होती. याशिवाय कपूर कुटुंबाच्या प्रत्येक सेलिब्रेशनमध्ये आलिया व करीना एकत्र पाहायला मिळतात. या दोघींची मैत्रीही खूप घट्ट आहे.