राज्याचे उपमुख्यमंत्री देवेंद्र फडणवीस यांच्या पत्नी अमृता फडणवीस कायमच चर्चेत असतात. अमृता अनेकदा त्यांचं मतही परखडपणे मांडताना दिसतात. त्या पेशाने बॅंकर असून गायिकाही आहेत. आजवर त्यांनी अनेक गाणी गाऊन प्रेक्षकांचे मनोरंजन केलं आहे. आता पुन्हा त्यांचं नवीन गाणं प्रेक्षकांच्या भेटीला आलं आहे.
अमृता फडणवीसांनी अल्बममध्ये नाही तर एका चित्रपटात गाणं गायलं आहे. ‘लव्ह यू लोकतंत्र’ या चित्रपटातील एक गाणं त्यांच्या आवाजात रेकॉर्ड करण्यात आलं आहे. ‘धडका दिल’ असे त्यांनी गायलेल्या गाण्याचे बोल आहेत. सुप्रसिद्ध बॉलिवूड गायक शानसह त्यांनी हे गाणं गायलं आहे. अमृता फडणवीसांचं हे नवं गाणं प्रदर्शित करण्यात आलं असून प्रेक्षकांच्याही ते पसंतीस उतरत आहे. नव्या गाण्याबाबत अमृता फडणवीसांनी इन्स्टाग्राम अकाऊंटवरून पोस्ट शेअर करत माहिती दिली आहे.
हेही वाचा >> “तैमूरला सांभाळणाऱ्या नॅनीला किती पगार मिळतो?”, नीतू कपूर म्हणतात “एक कोटी…”
हेही पाहा >> Photos : भाग्यश्री मोटेच्या साखरपुडा सोहळ्यात हृतिक रोशनला पाहून चाहत्यांना पडला प्रश्न, जाणून घ्या कारण
“‘लव्ह यू लोकतंत्र’ चित्रपटातील ‘ना जाने क्यू धडका दिल’ हे या वर्षातील सगळ्यात रोमॅंटिक गाणं लोकप्रिय गायक शान यांच्यासह गाताना मजा आली”, असं म्हणत अमृता फडणवीसांनी त्यांच्या इन्स्टाग्राम अकाऊंटवरुन पोस्ट शेअर केली आहे. येत्या १४ ऑक्टोबरला ‘लव्ह यू लोकतंत्र’ हा चित्रपट सर्वत्र प्रदर्शित होणार आहे.
हेही वाचा >> ‘लागिर झालं जी’ फेम नितीश चव्हाण मराठीमधील बहुचर्चित ऐतिहासिक चित्रपटामध्ये झळकणार, लूक समोर
अमृता फडणवीसांनी याआधी बॉलिवूड गायक सोनू निगमसह अल्बमसाठी एक गाणं रेकॉर्ड केलं होतं. सोशल मीडियावरही प्रचंड सक्रिय असल्याचं पाहायला मिळतं. ‘वो तेरे प्यार का गम’, ‘शिव तांडव स्रोतम’, ‘तेरी मेरी फिर से’, ‘बेटिया’ ही त्यांनी गायलेली गाणी प्रेक्षकांच्या पसंतीस उतरली.
