बॉलीवूडचे अनेक कलाकार २०२५ या नवीन वर्षाचं स्वागत करण्यासाठी परदेशात गेले होते. अभिषेक बच्चनपासून ते हृतिक रोशनसह अशा बऱ्याच कलाकारांनी परदेशात नव्या वर्षाचं स्वागत केलं. शनिवारी, अभिषेक बच्चन आणि ऐश्वर्या राय-बच्चन लेक आराध्यासह मुंबईत परतले. याचा व्हिडीओ सोशल मीडियावर व्हायरल झाला होता. त्यानंतर आता कपूर कुटुंबदेखील नवीन वर्ष साजरं करून मुंबईत परतलं आहे. याचे फोटो, व्हिडीओ समोर आले आहेत.
२०२५ हे नवीन वर्ष साजरं करण्यासाठी कपूर कुटुंब थायलंडला गेलं होतं. यावेळी आलिया भट्टची बहीण शाहीन भट्ट आणि आई सोनी राजदानदेखील होत्या. फटक्यांच्या आतिषबाजीने आनंदात कपूर कुटुंबाने नवीन वर्षाचं स्वागत केलं. याचा व्हिडीओ सोशल मीडियावर खूप व्हायरल झाला होता. यामध्ये नवीन वर्ष सुरू होताच रणबीर कपूर धावत-धावत आलियाला घट्ट मिठी मारताना दिसला.
हेही वाचा – अल्लू अर्जुनच्या ‘पुष्पा २’ची बॉक्स ऑफिसवर अजूनही जोरदार घोडदौड सुरुच; वरुण धवनच्या ‘बेबी जॉन’ने शनिवारी केली ‘इतकी’ कमाई
त्यानंतर आता कपूर कुटुंब मुंबईत परतलं आहे. रणबीर कपूर, आलिया भट्ट आणि राहाचा मुंबईत विमानतळावरील व्हिडीओ समोर आला आह. सेलिब्रिटी फोटोग्राफर ‘मानव मंगलानी’च्या इन्स्टाग्राम पेजवर रणबीर, आलिया आणि राहाचा व्हिडीओ शेअर करण्यात आला आहे. या व्हिडीओमध्ये आलिया पुढे चालताना दिसत असून रणबीर राहाला कडेवर घेऊन गाडीत बसताना दिसत आहे.
दरम्यान, रणबीर कपूर आणि आलिया भट्टच्या कामाबद्दल बोलायचं झालं तर, अभिनेत्याच्या ‘रामायण’ चित्रपटाची चाहत्यांना उत्सुकता लागली आहे. या चित्रपटात रणबीर अभिनेत्री साई पल्लवीबरोबर झळकणार आहे. बिग बजेट असलेल्या ‘रामायण’ चित्रपटात बरेच तगडे कलाकार मंडळी पाहायला मिळणार आहेत. याशिवाय ‘अ‍ॅनिमल पार्क’ आणि संजय लीला भन्साळीच्या ‘लव्ह अँड वॉर’ चित्रपटात रणबीर पाहायला मिळणार आहे. ‘लव्ह अँड वॉर’ चित्रपटात रणबीरसह आलिया भट्ट आणि विकी कौशल असणार आहे.
तसंच आलिया भट्ट सध्या यशराज फिल्म स्पाय युनिव्हर्सच्या ‘अल्फा’ चित्रपटाचं चित्रीकरण करत आहे. या चित्रपटाच्या दिग्दर्शनाची धुरा शिव रवैलवर आहे. ‘अल्फा’ चित्रपटात आलियाबरोबर अभिनेत्री शर्वरी वाघ झळकणार आहे.
