scorecardresearch

स्वच्छ भारत अभियानात अभिनेत्री जॅकलिन फर्नांडिस सहभागी, वर्सोवा समुद्रकिनारी केली साफसफाई

या स्वच्छता मोहिमेत मुंबई महानगरपालिकेतील नगरसेवक, भाजपाचे कार्यकर्ते सामील झाले होते.

स्वच्छ भारत अभियानात अभिनेत्री जॅकलिन फर्नांडिस सहभागी, वर्सोवा समुद्रकिनारी केली साफसफाई
Jacqueline Fernandez participated in versova beach cleaning

जॅकलिन फर्नांडिस मूळची श्रीलंकेची असलेली ही मॉडेल आज बॉलिवूडमध्ये आघाडीची अभिनेत्री म्हणून ओळखली जाते. सुकेश प्रकरणात ती अडकल्याने सध्या सगळीकडे तिच्या नावाची चर्चा आहे. जॅकलिन आता एका नव्या घटनेमुळे चर्चेत आली आहे. जॅकलिन नुकतीच स्वच्छता अभियानात दिसून आली आहे नुकतेच तिने आपल्या इन्स्टाग्राम अकाऊंटवरून या अभियानाची पोस्ट शेअर केली आहे. या पोस्टमध्ये तिने वर्सोवा समुद्रकिनारी केलेल्या स्वच्छतेबद्दल माहिती दिली.

जॅकलिनने पोस्टमध्ये लिहले आहे ‘वर्सोवा समुद्रकिनारी सुरु सुरु असलेल्या स्वछता मोहिमेत सहभागी झाले. दीपक मुकुट यांच्या स्वच्छ भारत अभियान या चित्रपटाला खूप खूप शुभेच्छा, तुमच्या चित्रपटामुळे मला प्रेरणा मिळाली. तसेच या मोहिमेत जे लोक सहभागी झाले त्या सगळ्यांना धन्यवाद. आमदार भारती लव्हेकर यांच्या पुढाकाराने हे शक्य झाले त्यामुळे त्यांनादेखील धन्यवाद’. या स्वच्छता मोहिमेत मुंबई महानगरपालिकेतील नगरसेवक, भाजपाचे कार्यकर्ते सामील झाले होते.

“आम्ही चित्रपटासाठी कोणतेही… ” ‘आदिपुरुष’ चित्रपटाचे व्हीएफएक्स करणाऱ्या कंपनीने केला खुलासा

मुंबईतील समुद्रकिनारी अनेकदा कचऱ्याचे साम्रज्य असते. अनेक सामाजिक संस्था पुढाकार घेऊन समुद्रकिनारे स्वच्छ करताना दिसून आले आहेत. अनेक बॉलिवूड सेलिब्रेटी या मोहिमेत सहभागी होताना दिसून येत असतात. स्वच्छता अभियानाची सुरवात पंतप्रधान नरेंद्र मोदी यांनी २०१४ मध्ये केली होती. रस्त्यांच्या व भारतातील विविध नद्यांच्या स्वच्छतेसाठी भारत सरकारने सुरू केलेलं राष्ट्रीय पातळीवरील अभियान आहे.

अभिनेत्री जॅकलिनने ‘अल्लादिन’ चित्रपटातून बॉलिवूडमध्ये पदार्पण केलं आहे. या चित्रपटात तिच्याबरोबर रितेश देशमुख अमिताभ बच्चन हे कलाकार होते. ‘हाऊसफुल्ल २,३’, ‘जुडवा’, ‘किक’, ‘रेस ३’ सारख्या अनेक सुपरहिट चित्रपटात काम केलं आहे. ती अक्षय कुमारच्या आगामी राम सेतू चित्रपटात ती दिसणार आहे भूत पोलीस, बच्चन पांडे या चित्रपटात ती शेवटची दिसली होती. सुकेश प्रकरणात ईडीकडून तिला चौकशीसाठी बोलवण्यात आले होते.

मराठीतील सर्व बॉलीवूड ( Bollywood ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

संबंधित बातम्या