काँग्रेसबाबत चाहत्याने विचारलेल्या प्रश्नावर कंगना रणौतने राहुल गांधींची उडवली खिल्ली; लहान मुलाशी तुलना करत म्हणाली “ओले ओले…”

कंगनाने तिच्या चाहत्यांसाठी नुकतंच ट्वीटरवर #AskKangana सेशन घेतलं होतं. चाहत्यांच्या प्रश्नांना कंगनाने या सेशनमधून उत्तरं दिली. एका ट्वीटर अकाऊंटवर कंगनाला काँग्रेस नेते राहुल गांधींबाबत प्रश्न विचारण्यात आला. “काँग्रेस व राहुल गांधीबाबत कोणीतरी बोलत असताना तू ऐकल्यावर त्याबाबत तुझ्या मनात काय विचार येतात?” असं विचारण्यात आलं. कंगनाने चाहत्याच्या या प्रश्नावर उत्तर देताना राहुल गांधीना छोट्या मुलाची उपमा दिली आहे. “ओले ओले…शो शो स्वीट” असं कंगनाने ट्वीटमध्ये म्हटलं आहे. कंगनाचं हे ट्वीट सध्या चर्चेत आहे.

हेही वाचा>> Video: “जान, वापस आ जाओ” राखी सावंतने पती आदिलसाठी कॅमेऱ्यासमोरच फोडला टाहो, म्हणाली “लग्नानंतर पहिल्या रमझानमध्ये…”

कंगना देशातील व राज्यातील राजकारणाबाबतही परखडपणे बोलताना दिसते. एका चाहत्याने कंगनाला तिच्या राजकीय पदार्पणाबाबत प्रश्न विचारला. “राजकारणात कधी पदार्पण करणार?” या प्रश्नावर उत्तर देत कंगनाने “मला कलाकार म्हणून अजून काम करायचं आहे” असं ट्वीट केलं आहे.

हेही वाचा>> सलमान खानने दिलं ब्रेसलेट, गर्लफ्रेंडने गिफ्ट केली बाईक अन्…; ‘बिग बॉस’चा विजेता झाल्यानंतर एमसी स्टॅन मालामाल

कंगना ‘इमर्जन्सी’ या चित्रपटातून प्रेक्षकांच्या भेटीला येणार आहे. या चित्रपटात ती भारताच्या पहिला महिला मुख्यमंत्री इंदिरा गांधी यांची भूमिका साकारताना दिसणार आहे. कंगनाने नुकतंच या चित्रपटाचं शूटिंग पूर्ण केलं असून चित्रपटातील तिचा पहिला लूकही समोर आला आहे.