“भारताने द्वेष, भ्रष्टाचार…”, टायटॅनिकचं उदाहरण देऊन स्वरा भास्करने भाजपाला लगावला टोला, म्हणाली…

भाजपाने यंदाच्या लोकसभा निवडणुकीत ४०० पार जागा जिंकणार असल्याच्या घोषणा केल्या होत्या. तसंच काही जणांनी भाजपा ३०० हून अधिक जागा जिंकणार असल्याचा अंदाज वर्तवला होता. पण संपूर्ण चित्र पालटलं आहे. भाजपाप्रणित एनडीए आणि इंडिया आघाडीमध्ये चुरस सुरू आहे. सध्या एनडीए २९३ जागांनी आघाडीवर असून इंडिया आघाडी २३२ जागा जिंकल्या आहेत. अनेक ठिकाणी भाजपाला विजयासाठी खूप संघर्ष करावा लागत आहे. याच पार्श्वभूमीवरून स्वरा भास्करने ‘एक्स’वर पोस्ट शेअर केली आहे.

हेही वाचा – “अयोध्यावासियांनो ही लाजिरवाणी बाब…”, अयोध्येतील निकालाबद्दल गायक सोनू निगमची पोस्ट; म्हणाला, “५०० वर्षांनंतर राम मंदिर…”

अभिनेत्री स्वराने भाजपाला टोला लगावत लिहिलं आहे, “ते म्हणतात ना, टायटॅनिक बुडण्यासारखे नव्हते पण मग एक दिवस आला आणि ते बुडाले. सरकार कोणाचंही स्थापन झालं तरी आज भारताने द्वेष, भ्रष्टाचार, लोभ आणि अहंकाराचा पराभव केला आहे.”

They said the Titanic was unsinkable! And then one day.. it sank!

Notwithstanding who forms the government, today hate, corruption, greed and arrogance have been defeated by India! ?? ❤️

— Swara Bhasker (@ReallySwara) June 4, 2024

तसंच तिनं आणखी एक पोस्ट केली आहे. उत्तर प्रदेशच्या फैजाबाद मतदारसंघातील निकालावरून स्वराने ही पोस्ट केली आहे. अयोध्या शहर हे फैजाबाद मतदारसंघात मोडते. त्यामुळे तिनं लिहिलं आहे, “श्रीरामाचं नाव बदनाम करणाऱ्यांना, त्यांच्या नावावरून पाप करणाऱ्यांना जय श्रीराम.”

हेही वाचा – “माझी प्रिय कंगना…”, बॉलीवूडची ‘क्वीन’ मंडीतून विजयी झाल्यावर अनुपम खेर यांची खास पोस्ट, म्हणाले…

Shree Ram ka naam badnaam karney waalon ko, unke naam par paap karney waalon ko Jai Siya Ram! ??❤️⛳️ pic.twitter.com/GaYqThMz7L

This quiz is AI-generated and for edutainment purposes only.

— Swara Bhasker (@ReallySwara) June 4, 2024

दरम्यान, भाजपाला जिथे जिंकण्याची अधिक अपेक्षा होती त्याचं उत्तर प्रदेशात मोठा फटका बसला आहे. उत्तर प्रदेशात समाजवादी पक्षाचे ३७ आमदार आघाडीवर आहेत. तर भाजपा ३३ ठिकाणी आघाडीवर आहे.