पहिल्या पत्नीपासून चार मुलं, घटस्फोट न घेताच धर्मेंद्र यांनी हेमा मालिनी यांच्याबरोबर थाटला होता संसार, अभिनेत्रीच्या वडिलांना नात्याबाबत कळताच…

हेमा मालिनी यांच्याशी लग्न केलं तेव्हा धर्मेंद्र यांना पहिल्या पत्नीपासून चार मुलं होती. पहिली पत्नी प्रकाश कौर यांच्याबरोबर धर्मेंद्र यांचा घटस्फोटही झाला नव्हता. याच कारणावरुन हेमा मालिनी यांच्या वडिलांना धर्मेंद्र यांच्याबरोबर असलेलं नातं मान्य नव्हतं. रजत शर्मा यांच्या ‘आप की अदालत’ या कार्यक्रमात हेमा मालिनी यांना त्यांच्या लव्हस्टोरीबाबत विचारण्यात आलं होतं.

आणखी वाचा – धमाल-मस्ती, डान्स, कुटुंबियांचा कल्ला पण…; लेकाच्याच लग्नात सनी देओलच्या पत्नीच्या चेहऱ्यावर दिसलं टेन्शन, नेटकरी म्हणतात, “निराश…”

तेव्हा त्या म्हणाल्या, “धर्मेंद्र यांना मी पहिल्यांदा भेटली तेव्हा ते आयुष्यभर माझे जोडीदार असतील असा विचार मी कधीच केला नव्हता. काही काळाने मी त्यांच्या प्रेमात पडले”. शिवाय वडिलांच्या नाराजीबाबतही हेमा मालिनी यांना विचारण्यात आलं. यावर त्या म्हणाल्या, “ही अगदी सामान्य गोष्ट आहे. कारण धर्मेंद्र यांचं आधीच लग्न झालं होतं”.

आणखी वाचा – कोणी म्हटलं साप, तर कोणी जीभ बाहेर काढण्यावरुन केलं ट्रोल, अमृता फडणवीसांना योगा करताना पाहून नेटकरी म्हणतात, “तुम्हाला…”

हेमा मालिनी व धर्मेंद्र यांच्या नात्याच्या त्याकाळी बऱ्याच चर्चा रंगत होत्या. सनी देओल, बॉबी देओल, विजेता व अजेता अशी धर्मेंद्र यांची चार मुलं. या चार मुलांनंतर त्यांनी हेमा मालिनी यांच्याशी लग्न करण्याचा निर्णय घेतला. प्रकाश कौर यांच्याबरोबर धर्मेंद्र यांचं अजूनही चांगलं नातं आहे. करण देओलच्या लग्नामध्ये दोघांचं एकत्रित फोटोशूट चर्चेचा विषय ठरलं.