scorecardresearch

Premium

IPL फायनलमध्ये स्पंजने सुकवलं मैदान, बॉलिवूड अभिनेत्याचं खोचक ट्वीट, म्हणाला, “बीसीसीआय श्रीमंत असूनही…”

IPL 2023 Final : आयपीएल फायनलमधील ‘ते’ फोटो शेअर करत बॉलिवूड अभिनेत्याचं ट्वीट

krk-on-bcci
बॉलिवूड अभिनेत्याचं खोचक ट्वीट. (फोटो : लोकसत्ता ग्राफिक्स टीम)

IPL 2023 Final : आयपीएलच्या १६व्या हंगामातील अंतिम सामना सोमवारी(२९ मे) गुजरात टायटन्स व चेन्नई सुपर किंग्जमध्ये खेळवला गेला. या सामन्यात विजय मिळवत चेन्नई सुपर किंग्जने आयपीएल ट्रॉफीवर नाव कोरलं. अहमदाबादमधील नरेंद्र मोदी स्टेडियममध्ये रंगतदार सामना सुरू असतानाच पाऊस आल्याने मॅच मध्येच थांबवावी लागली. पाऊस थांबल्यानंतर मैदान कोरडं करण्यासाठी अनेक प्रयत्न केले गेले.

आयपीएलच्या अंतिम सामन्यातील काही फोटो बॉलिवूड अभिनेता व चित्रपट समीक्षक कमाल आर खानने(केआरके) ट्वीटर अकाऊंटवरुन शेअर केले आहेत. “बीसीसीआय ही डिजिटल भारतातील श्रीमंत संस्थांपैकी एक आहे. अमृतकालमधून हजारो कोटींचा खर्च करुन बीसीसीआयने अहमदाबादमध्ये सर्वौत्तम असणाऱ्या स्टेडियमपैकी एक असे स्टेडियम बनवले. आयपीएल २०२३च्या फायनलमध्ये पाऊस पडला आणि मैदान कोरडं करण्यासाठी स्टाफकडून प्रयत्न केले गेले. इतर देशात मैदान कोरडे करण्यासाठी मशिनचा वापर केला जातो,” असं ट्वीट त्याने केलं आहे.

manoj jarnage patil
“बाकीचं नंतर बघू, आधी माझ्या किडन्या तपासा”, मनोज जरांगेंच्या किडनीचा नेमका घोळ काय?
Actor Vijay Antony reacts on Daughter Meera suicide
“मी तिच्याबरोबर मेलो,” १६ वर्षीय मुलीच्या आत्महत्येनंतर अभिनेत्याची भावुक पोस्ट; म्हणाला, “जिथे जात, धर्म, पैसा…”
chandrashekhar bawankule
सुप्रीम कोर्टाच्या निर्देशानंतर राजकीय हालचालींना वेग, भाजपाकडून ‘प्लॅन बी’ तयार? बावनकुळे म्हणाले…
ramdas kadam on uddhav thackeray aaditya
“आदित्यसाहेब आणि त्यांचा बाप…”, रामदास कदमांची टीका; म्हणाले, “…आता दोघंही पळतायत!”

केआरकेने आयपीएलच्या अंतिम सामन्यातील फोटो शेअर करत केलेलं हे ट्वीट सध्या चर्चेत आहे. या ट्वीटवर अनेकांनी कमेंटही केल्या आहेत.

हेही वाचा>> IPL 2023 Final GT vs CSK: देशी उपाय! पावसाच्या पाण्यानं ग्राऊंड्समन्सची तारांबळ, पाणी सुकवण्यासाठी थेट स्पंजनंच केली सुरुवात

आयपीएलचा अंतिम सामना रविवारी(२८ मे) पार पडणार होता. परंतु, पावसामुळे हा सामना राखीव दिवशी म्हणजेच २९ मेला खेळवला गेला. प्रथम फलंदाजी करताना गुजरातने २० षटकांत ४ गडी गमावून २१४ धावा केल्या. यानंतर पावसामुळे डकवर्थ लुईस नियमानुसार चेन्नईला १५ षटकांत १७१ धावांचे लक्ष्य मिळाले. रवींद्र जडेजाने मोहित शर्माच्या शेवटच्या षटकातील दोन चेंडूवर षटकार आणि चौकार मारत रोमहर्षक विजय मिळवला. महेंद्रसिंग धोनीच्या नेतृत्वाखाली पाचव्यांदा ट्रॉफी जिंकल्यानंतर चेन्नईच्या चाहत्यांकडून आनंद व्यक्त केला जात आहे.

Latest Comment
View All Comments
Post Comment

मराठीतील सर्व बॉलीवूड बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 30-05-2023 at 13:38 IST

संबंधित बातम्या

गणेश उत्सव २०२३ ×